Svona var blaða­manna­fundur heil­brigðis­ráð­herra

Svandís Svavarsdóttir, heilbrigðisráðherra, boðaði til blaðamannafundar í Ráðherrabústaðnum klukkan ellefu í dag að loknum ríkisstjórnarfundi. 

Fundurinn var í beinni útsendingu á Vísi og Stöð 3. Auk þess sem fylgst var með gangi mála í vaktinni að neðan.

Í tilkynningu frá heilbrigðisráðuneytinu sagði að á fundinum yrðu kynnt næstu skref varðandi aðgerðir vegna kórónuveirunnar sem veldur sjúkdómnum Covid-19.

Þau Alma Möller, landlæknir, Þórólfur Guðnason, sóttvarnalæknir, og Víðir Reynisson, yfirlögregluþjónn almannavarnadeildar ríkislögreglustjóra, voru einnig á fundinum.

Á fundinum kom í ljós að frá miðnætti aðfaranótt mánudags gildir samkomubann á Íslandi í fjórar vikur.