Bein útsending: Hvernig má nýta íslenskt rok?

Háskólinn í Reykjavík hefur undanfarnar vikur boðið upp á hádegisfyrirlestra vísindamanna HR á netinu á hverjum þriðjudegi og verður þar engin breyting á í dag.

Guðmundur Kristjánsson, kennari við iðn- og tæknifræðideild HR mun í dag klukkan 12:00 fjalla um íslenskt rok og hvernig hægt er að nýta það.

Guðmundur mun fjalla um ferlið við að setja upp vindmyllugarð. Spurningum á borð við hvað þurfi til og hvort einfalt sé að framleiða rafmagn með vindmyllum verður svarað auk þess sem farið verður yfir rannsóknir, viðhald, tengingar við rafmagnsnet og bilanir í fyrirlestrinum.

Að lokum verður farið yfir það hvernig frændur vorir, Danir, hafa náð að byggja upp háspennunetið með vindmyllum.