Aron og Kolbeinn komu báðir inn á í sigrum

Aron Jóhannsson og Kolbeinn Sigþórsson komu inn á sem varamenn í sigrum sinna liða í Allsvenskan, sænsku úrvalsdeildinni í fótbolta, í dag.

Aron kom inn á fyrir Hammarby á 66. mínútu í 2-0 sigri Hammarby á Östersund. Muamer Tankovic skoraði bæði mörk Hammarby í leiknum.

Þá kom Kolbeinn Sigþórsson inn á sem varamaður á 70. mínútu í 0-2 útisigri AIK á Örebro. Robin Tihi skoraði fyrra markið og Jasir Asani innsiglaði sigurinn í uppbótartíma. 

Þetta var 1. umferð sænsku Úrvalsdeildarinnar á þessu keppnistímabili og byrja bæði þessi Íslendingalið á flottum sigrum.