Grínuðust með að hætta á Twitter eftir sigur Liverpool

Manchester United-goðsagnirnar, Gary Neville og Rio Ferdinand, settu báðir inn færslur á samfélagsmiðla sína í gær eftir að Liverpool varð enskur meistari í fyrsta sinn í þrjátíu ár.

Liverpool tryggði sér titilinn með 4-0 sigri á Crystal Palace á miðvikudagskvöldið en þetta varð endanlega staðfest er Man. City tapaði 2-1 fyrir Chelsea í gær.

Bæði Gary Neville og Rio Ferdinand gáfu það í skyn að þeir myndu taka sér smá frí frá samfélagsmiðlinum á meðan helsti fögnuður Liverpool-manna stendur yfir.

Neville birti bara mynd af vink „emoji“ en Rio gekk öllu lengra.

„Brb,“ sem er styttingin yfir be right back. „Sjáumst eftir nokkrar vikur,“ sagði Rio einnig í færslunni.

Hann hrósaði þó Liverpool-liðinu og sagði að þeir ættu ekkert annað en hrós skilið eftir 28 sigra í 38 leikjum. Þetta væri verðskuldað og sér í lagi eftir að hafa tapað deildinni á síðasta ári eftir að hafa spilað svo vel. Hann sagði þá sterka andlega.