Dúx með ágætiseinkunn og nær fullkomna mætingu fær ekki inngöngu í Háskólann á Akureyri Kristín Ólafsdóttir skrifar 2. júlí 2020 21:12 Davíð Atli Gunnnarsson útskrifaðist úr Framhaldsskólanum á Húsavík í fyrra með ágætiseinkunnina 9,38. Hann fær ekki inngöngu í Háskólann á Akureyri í haust. Samsett Tvítugur piltur sem dúxaði við útskrift úr Framhaldsskólanum á Húsavík í fyrra var synjað um inngöngu í viðskiptafræðinám við Háskólann á Akureyri í haust. Hann segist gáttaður á málinu og gagnrýnir HA fyrir forgangsröðun á þeim skilyrðum sem þarf inn í námið, skilyrði sem honum bauðst ekki að uppfylla sökum takmarkaðs námsframboðs í framhaldsskólanum. Davíð Atli Gunnnarsson útskrifaðist úr Framhaldsskólanum á Húsavík í fyrra með ágætiseinkunnina 9,38 og varð þar með dúx árgangsins. Davíð tók sér ársfrí frá námi eftir útskrift og sótti svo um að hefja nám í viðskiptafræði við Háskólann á Akureyri í haust. Í fyrradag barst svo svar við umsókninni og var honum synjað um skólavist, líkt og áður segir. Davíð segir í samtali við Vísi að hann hafi ekki órað fyrir því að umsókn hans yrði afgreidd á þennan hátt. „Ég er búinn að vera að hringja fram og til baka og það eina sem þau segja marktækt er að þeim þykir þetta mjög leitt og benda svo alltaf á ríkið, að það vanti aukið fjármagn.“ Óréttlát afgreiðsla 309 sóttu um nám í viðskiptafræði við HA. 120 áttu upphaflega að fá inngöngu en 30 plássum var svo bætt við þegar menntamálaráðuneytið gaf það út í júní að tryggt yrði fjármagn til framhalds- og háskóla til að mæta aukinni aðsókn. Davíð segir að í samtölum sínum við starfsmenn háskólans hafi hann fengið þær upplýsingar að af þessum 309 sem sóttu um væru 250 með stúdentspróf. „Og það eru reglur um það að þeir sem eru með stúdentspróf gangi alltaf fyrir. Þannig að í raun eru þetta hundrað manns með stúdentspróf sem er hafnað en 150 samþykktir. Ég með þessa einkunn, og 99,93 prósent mætingu, mér er hafnað.“ Í svari HA við umsókn Davíðs eru jafnframt tilgreindar þrjár ástæður sem gætu verið fyrir synjun: Umsækjandi uppfylli ekki inntökuskilyrði Staðfest afrit af námsferli/stúdentsprófi/prófskírteini barst ekki í tæka tíð Forgangsraða þurfti umsóknum vegna mikillar aðsóknar og umsóknin ekki uppfyllt nægilega þá matsþætti sem voru til grundvallar Davíð uppfyllir inntökuskilyrði þar sem hann er með stúdentspróf og þá barst prófskírteini hans í tæka tíð. Synjun umsóknar hans virðist því á grundvelli þriðju ástæðunnar. „Mín gagnrýni er aðallega sú að þeir eru ekki að forgangsraða þessu rétt. Segjum sem svo að það sé nemandi sem útskrifast úr VMA og hann kannski tekur tvo viðskiptafræðiáfanga en er rétt að slefa með sexu eða sjöu í einkunn, þá er hann kominn fram fyrir mig þó að ég sé með fullkomna mætingu og mjög góða einkunn. Þetta finnst mér bara óréttlátt,“ segir Davíð. „Ég hreinlega veit ekki hvað ég á að gera“ Í þessu samhengi vísar hann í inntökuskilyrði háskólans. Þar kemur fram að ef umsækjendur sem eru með stúdentspróf eða sambærilegt próf eru fleiri en þau pláss sem í boði eru, skal forgangsraða nemendum eftir ákveðnum skilyrðum. Þannig er horft til framhaldsskólaeininga í stærðfræði, ensku og viðskiptafræði. Davíð segist hafa tekið eins marga stærðfræði- og enskuáfanga og í boði voru í Framhaldsskólanum á Húsavík. Þannig var hann til að mynda tíu einingum yfir viðmiðinu í stærðfræði. Engir viðskiptafræðiáfangar standa hins vegar nemendum framhaldsskólans til boða og Davíð stóð þess vegna sjálfkrafa höllum fæti í þeim efnum. Þá tekur háskólinn einnig til greina ferilskrá og kynningarbréf, sem Davíð kveðst hafa skilað inn hvoru um sig og fengið fullt fyrir. „Ég er mjög fúll út í skólann. Ég er búinn að vera í sambandi við fólk sem er eitthvað að reyna að gera í þessu fyrir mig en maður veit auðvitað ekkert. Ég bjóst ekki við því að mér yrði hafnað. Það kom ekki upp í hugann. Ég sótti ekki um neins staðar annars staðar því ég gekk bara að því að ég myndi komast inn. Þannig að nú er ég í pattstöðu því ég hreinlega veit ekki hvað ég á að gera.“ Davíð segist ekki una þessari niðurstöðu. Hann hyggst ráðfæra sig við menntamálaráðuneytið og vonast til að hægt verði að kæra niðurstöðuna þangað. „Ég vildi koma fram þessari gagnrýni því þetta er ekki réttlátt fyrir þá sem eru að standa sig frábærlega í námi, eru með fullkomna mætingu, að aðrir séu teknir fram fyrir. Það er ekki réttlátt.“ Akureyri Skóla- og menntamál Dúxar Mest lesið Grunaður hraðbankaþjófur nennti ekki með austur nóttina örlagaríku Innlent Mannskæð skotárás í skóla í Bandaríkjunum Erlent Glímdi við veikindi fyrir andlátið sem breyttu persónuleika hans Innlent Ekki séð neitt þessu líkt á sínum fjörutíu ára ferli Innlent Til skoðunar að flytja Sjálfstæðisflokkinn úr Valhöll Innlent Stefna Open AI vegna sjálfsvígs sonarins Erlent Supu hveljur á fundi með ráðherra á Egilsstöðum Innlent Er við góða líkamlega heilsu en heilinn að „bregðast honum“ Erlent Raðsundlaugarkúkari gengur laus í Oulu Erlent Kynna drög að nýrri stefnu í heilbrigðismálum Innlent Fleiri fréttir Þyrlan kölluð út vegna slasaðs manns í Gemludal Menningarráðherra skipaði son heilbrigðisráðherra í formannsstörf Vara við svikapóstum í þeirra nafni Bylting framundan en Landspítalinn þurfi að hlaupa hraðar Faðir plokksins kenndi ráðherra að plokka Gátu ekki opnað hraðbankann þrátt fyrir ítrekaðar tilraunir Kári Stefánsson í beinni, erfiður hraðbanki og Dönum ekki skemmt Óttuðust um ferðamenn sem sátu fastir í Markarfljóti Glímdi við veikindi fyrir andlátið sem breyttu persónuleika hans Hraðbankaþjófur játar sök Framlengja gæsluvarðhald yfir leiðbeinandanum um fjórar vikur Supu hveljur á fundi með ráðherra á Egilsstöðum Grunaður hraðbankaþjófur nennti ekki með austur nóttina örlagaríku Með mikla áverka og mjög kaldur þegar hann fannst Móðirin áfram í haldi og húsleit á Írlandi Til skoðunar að flytja Sjálfstæðisflokkinn úr Valhöll Losun Íslands jókst á öllum sviðum og langt í land með skuldbindingar Bylting í heilbrigðisþjónustu og áróður Bandaríkjamanna Vilja halda leiðbeinandanum áfram bak við lás og slá Kynna drög að nýrri stefnu í heilbrigðismálum Ekki séð neitt þessu líkt á sínum fjörutíu ára ferli Innbrot og slagsmál í miðborginni Segir dóminn áfellisdóm yfir seinagangi lögreglu í kynferðisbrotamálum Málafjöldi tvöfaldast milli ára: „Hálfur milljarður farinn nú þegar“ Heilbrigðisráðuneytið færir sig um set Enginn vilji taka ábyrgð á því hvenær eigi að loka Reynisfjöru Minntust þess ekki að hafa brennt tösku fyrir Stefán Blackburn Sakar eftirlitsaðila um að framfylgja ekki leigubílalögum Játaði Hamraborgarmálið, grunaður í hraðbankamálinu og vitni í Gufunesmálinu Hraðbankinn fannst á Hólmsheiði Sjá meira
Tvítugur piltur sem dúxaði við útskrift úr Framhaldsskólanum á Húsavík í fyrra var synjað um inngöngu í viðskiptafræðinám við Háskólann á Akureyri í haust. Hann segist gáttaður á málinu og gagnrýnir HA fyrir forgangsröðun á þeim skilyrðum sem þarf inn í námið, skilyrði sem honum bauðst ekki að uppfylla sökum takmarkaðs námsframboðs í framhaldsskólanum. Davíð Atli Gunnnarsson útskrifaðist úr Framhaldsskólanum á Húsavík í fyrra með ágætiseinkunnina 9,38 og varð þar með dúx árgangsins. Davíð tók sér ársfrí frá námi eftir útskrift og sótti svo um að hefja nám í viðskiptafræði við Háskólann á Akureyri í haust. Í fyrradag barst svo svar við umsókninni og var honum synjað um skólavist, líkt og áður segir. Davíð segir í samtali við Vísi að hann hafi ekki órað fyrir því að umsókn hans yrði afgreidd á þennan hátt. „Ég er búinn að vera að hringja fram og til baka og það eina sem þau segja marktækt er að þeim þykir þetta mjög leitt og benda svo alltaf á ríkið, að það vanti aukið fjármagn.“ Óréttlát afgreiðsla 309 sóttu um nám í viðskiptafræði við HA. 120 áttu upphaflega að fá inngöngu en 30 plássum var svo bætt við þegar menntamálaráðuneytið gaf það út í júní að tryggt yrði fjármagn til framhalds- og háskóla til að mæta aukinni aðsókn. Davíð segir að í samtölum sínum við starfsmenn háskólans hafi hann fengið þær upplýsingar að af þessum 309 sem sóttu um væru 250 með stúdentspróf. „Og það eru reglur um það að þeir sem eru með stúdentspróf gangi alltaf fyrir. Þannig að í raun eru þetta hundrað manns með stúdentspróf sem er hafnað en 150 samþykktir. Ég með þessa einkunn, og 99,93 prósent mætingu, mér er hafnað.“ Í svari HA við umsókn Davíðs eru jafnframt tilgreindar þrjár ástæður sem gætu verið fyrir synjun: Umsækjandi uppfylli ekki inntökuskilyrði Staðfest afrit af námsferli/stúdentsprófi/prófskírteini barst ekki í tæka tíð Forgangsraða þurfti umsóknum vegna mikillar aðsóknar og umsóknin ekki uppfyllt nægilega þá matsþætti sem voru til grundvallar Davíð uppfyllir inntökuskilyrði þar sem hann er með stúdentspróf og þá barst prófskírteini hans í tæka tíð. Synjun umsóknar hans virðist því á grundvelli þriðju ástæðunnar. „Mín gagnrýni er aðallega sú að þeir eru ekki að forgangsraða þessu rétt. Segjum sem svo að það sé nemandi sem útskrifast úr VMA og hann kannski tekur tvo viðskiptafræðiáfanga en er rétt að slefa með sexu eða sjöu í einkunn, þá er hann kominn fram fyrir mig þó að ég sé með fullkomna mætingu og mjög góða einkunn. Þetta finnst mér bara óréttlátt,“ segir Davíð. „Ég hreinlega veit ekki hvað ég á að gera“ Í þessu samhengi vísar hann í inntökuskilyrði háskólans. Þar kemur fram að ef umsækjendur sem eru með stúdentspróf eða sambærilegt próf eru fleiri en þau pláss sem í boði eru, skal forgangsraða nemendum eftir ákveðnum skilyrðum. Þannig er horft til framhaldsskólaeininga í stærðfræði, ensku og viðskiptafræði. Davíð segist hafa tekið eins marga stærðfræði- og enskuáfanga og í boði voru í Framhaldsskólanum á Húsavík. Þannig var hann til að mynda tíu einingum yfir viðmiðinu í stærðfræði. Engir viðskiptafræðiáfangar standa hins vegar nemendum framhaldsskólans til boða og Davíð stóð þess vegna sjálfkrafa höllum fæti í þeim efnum. Þá tekur háskólinn einnig til greina ferilskrá og kynningarbréf, sem Davíð kveðst hafa skilað inn hvoru um sig og fengið fullt fyrir. „Ég er mjög fúll út í skólann. Ég er búinn að vera í sambandi við fólk sem er eitthvað að reyna að gera í þessu fyrir mig en maður veit auðvitað ekkert. Ég bjóst ekki við því að mér yrði hafnað. Það kom ekki upp í hugann. Ég sótti ekki um neins staðar annars staðar því ég gekk bara að því að ég myndi komast inn. Þannig að nú er ég í pattstöðu því ég hreinlega veit ekki hvað ég á að gera.“ Davíð segist ekki una þessari niðurstöðu. Hann hyggst ráðfæra sig við menntamálaráðuneytið og vonast til að hægt verði að kæra niðurstöðuna þangað. „Ég vildi koma fram þessari gagnrýni því þetta er ekki réttlátt fyrir þá sem eru að standa sig frábærlega í námi, eru með fullkomna mætingu, að aðrir séu teknir fram fyrir. Það er ekki réttlátt.“
Akureyri Skóla- og menntamál Dúxar Mest lesið Grunaður hraðbankaþjófur nennti ekki með austur nóttina örlagaríku Innlent Mannskæð skotárás í skóla í Bandaríkjunum Erlent Glímdi við veikindi fyrir andlátið sem breyttu persónuleika hans Innlent Ekki séð neitt þessu líkt á sínum fjörutíu ára ferli Innlent Til skoðunar að flytja Sjálfstæðisflokkinn úr Valhöll Innlent Stefna Open AI vegna sjálfsvígs sonarins Erlent Supu hveljur á fundi með ráðherra á Egilsstöðum Innlent Er við góða líkamlega heilsu en heilinn að „bregðast honum“ Erlent Raðsundlaugarkúkari gengur laus í Oulu Erlent Kynna drög að nýrri stefnu í heilbrigðismálum Innlent Fleiri fréttir Þyrlan kölluð út vegna slasaðs manns í Gemludal Menningarráðherra skipaði son heilbrigðisráðherra í formannsstörf Vara við svikapóstum í þeirra nafni Bylting framundan en Landspítalinn þurfi að hlaupa hraðar Faðir plokksins kenndi ráðherra að plokka Gátu ekki opnað hraðbankann þrátt fyrir ítrekaðar tilraunir Kári Stefánsson í beinni, erfiður hraðbanki og Dönum ekki skemmt Óttuðust um ferðamenn sem sátu fastir í Markarfljóti Glímdi við veikindi fyrir andlátið sem breyttu persónuleika hans Hraðbankaþjófur játar sök Framlengja gæsluvarðhald yfir leiðbeinandanum um fjórar vikur Supu hveljur á fundi með ráðherra á Egilsstöðum Grunaður hraðbankaþjófur nennti ekki með austur nóttina örlagaríku Með mikla áverka og mjög kaldur þegar hann fannst Móðirin áfram í haldi og húsleit á Írlandi Til skoðunar að flytja Sjálfstæðisflokkinn úr Valhöll Losun Íslands jókst á öllum sviðum og langt í land með skuldbindingar Bylting í heilbrigðisþjónustu og áróður Bandaríkjamanna Vilja halda leiðbeinandanum áfram bak við lás og slá Kynna drög að nýrri stefnu í heilbrigðismálum Ekki séð neitt þessu líkt á sínum fjörutíu ára ferli Innbrot og slagsmál í miðborginni Segir dóminn áfellisdóm yfir seinagangi lögreglu í kynferðisbrotamálum Málafjöldi tvöfaldast milli ára: „Hálfur milljarður farinn nú þegar“ Heilbrigðisráðuneytið færir sig um set Enginn vilji taka ábyrgð á því hvenær eigi að loka Reynisfjöru Minntust þess ekki að hafa brennt tösku fyrir Stefán Blackburn Sakar eftirlitsaðila um að framfylgja ekki leigubílalögum Játaði Hamraborgarmálið, grunaður í hraðbankamálinu og vitni í Gufunesmálinu Hraðbankinn fannst á Hólmsheiði Sjá meira