Lífið

KR-ingar og velunnarar hámuðu í sig slátrið og pungana

Stefán Árni Pálsson skrifar
Sturlað stuð í KR-heimilinu á laugardagskvöldið.
Sturlað stuð í KR-heimilinu á laugardagskvöldið. myndir/Erling Ó Aðalsteinsson

KR-ingar og aðrir gestir hámuðu í sig slátrið og létu sig ekki muna um að sporðrenna súrsuðum hrútspungum eins og enginn væri morgundagurinn á hinu árlega þorrablóti sínu sem haldið var um helgina.

Með þessu skutluðu þeir í sig brennivíni úr staupum eins og lög gera ráð fyrir þegar menn graðka í sig hákarlsbitunum.

Má segja að blótið sé hápunktur samkvæmislífs Vesturbæinga en þá kasta þeir glaðir af sér hempu hins kúltíveraða heimsborgara og koma út úr skápnum sem þeir þjóðlegu sveitamenn og þeir eru inni við beinið.

Bubbi Morthens, gegnheill KR-ingurinn, skemmti mannskapnum af sinni alkunnu snilld og segir hann: „Þetta er í fyrsta skipti sem ég spila fyrir dansandi fólk síðan níutíuogeitthvað.“ Má þetta vera til marks um gleðina sem réði ríkjum í KR-heimilinu á laugardagskvöldið og fangaði Erling Ó Aðalsteinsson stemninguna með þeim myndum sem sjá má neðar.

Eins og margir vita samdi Bubbi Morhens KR-sönginn Við erum svartir, við erum hvítir og tók hann lagið það í fyrsta skipti opinberlega með hljómsveit eins og sjá má hér að neðan. Það var svo sjálfur Bogi Ágústsson, sjónvarpsfréttaþulur Ríkisútvarpsins númer eitt, sem kynnti Bubba inn á svið. Það mátti ekki minna vera.

Jói í Múlakaffi fyrir miðju í góðum félagsskap.
Mikið fjör á þessu borði.
Bjarni Guðjónsson, aðstoðarþjálfari KR, mætti auðvitað
Gestir sátu til borðs í DHL-höllinni.
Knattspyrnugoðsagnir saman á borði.
Þórhildur Garðarsdóttir má sjá hér lengst til hægri. Hún dró vinkonurnar á flot en Þórhildur kom að skipulagningu blótsins.
Magnús Geir Þórðar­son út­varps­stjóri og Ingi­björg Ösp létu sig ekki vanta.
Samfylkingin lét sig ekki vanta á blótið en þarna má meðal annara sjá Loga Einarsson og Helgu Völu Helgadóttir. Til að setja hámenningarlegan svip á borðið er Áshildur Haraldsdóttir flautuleikari sinfóníuhljómsveitarinnar lengst til hægri á myndinni.
Knattspyrnumenn í fjöri. Núverandi og fyrrverandi leikmenn KR.
Körfuboltaelítan mætti og skemmti sér vel.
Willum Þór Þórsson í hörku samræðum.
Tvær vinkonur í miklu stuði.
Fáir eru harðari KR-ingar en sjónvarpsfréttamaðurinn Höskuldur Kári Schram en hann má gjarnan heyra í Útvarp KR á sumrin.
Bjarni Guðjóns og Rúnar Kristinsson fóru með KR-inga alla leið síðasta sumar.
Gríðarleg stemning ríkti á þorrablótinu en líkt og sjá má á þessari mynd var utanríkisráðuneytið með sinn fulltrúa á skemmtuninni; Auðunn Atlason lengst til hægri klappar skemmtikröftum lof í lófa.
Gummi Ben var veislustjóri.
Schram-fjölskyldan í góðu glensi. Ellert B. Schram hlýtur að teljast einhver harðasti KR-ingur sem um getur og er ferill hans með félaginu sérlega glæsilegur.
Ragnhildur Steinunn mætti í sínu fínasta pússi.
Jónas Kristinsson framkvæmdastjóri KR lét sig að sjálfsögðu ekki vanta.
Ari Eldjárn kom fram á laugardagskvöldið.
Kristinn Kjærnested var eðlilega mættur.
Kóngurinn Maggi Bö með Íslandsmeistarabikarana.
Bubbi Morthens alltaf verið mikill KR-ingur.
Líf Magneudóttir sá til þess að skapa mótvægi við Samfylkingarfólkið sem var á staðnum en hún er auðvitað borgarfulltrúi VG. Hún er þarna í góðum félagsskap önnur frá hægri.
Bogi Ágústsson í góðum gír.
Gummi Ben mætti auðvitað með ananas beint úr Hagkaupum Eiðistorgi. Spurning hvort einhverjir Seltirningar voru í salnum.
Grímur Atlason ásamt eiginkonu sinni Helgu Völu Helgadóttur, mági sínum Skúla Helgasyni og konu hans Önnu Lind Pétursdóttur
Mikið dansað og mikið fjör.
Þorrablót


Mest lesið


Fleiri fréttir

Sjá meira


×

Mest lesið


Tarot dagsins

Dragðu spil og sjáðu hvaða spádóm það geymir.