Bátur sökk í Hafnarfjarðarhöfn

Báturinn Jökull er sokkinn í Hafnarfjarðarhöfn. Þetta hefur fréttastofa fengið staðfest frá slökkviliðinu á höfuðborgarsvæðinu.

Vegfarandi hafði samband við slökkviliðið þar sem hann taldi bátinn halla heldur mikið í höfninni. Samkvæmt upplýsingum frá slökkviliðinu var báturinn svo gott sem alveg sokkinn þegar viðbragðsaðila bar að garði.

Slökkviliðið hefur nú tryggt vettvanginn til þess að lágmarka áhrif mögulegs leka úr bátnum. Slökkviliði er ekki kunnugt um að nokkurn hafi sakað þegar báturinn sökk.