Innlent

Skjálfti 3,1 að stærð við Grinda­vík

Atli Ísleifsson skrifar
Frá Grindavík en fjallið Þorbjörn er í nágrenni bæjarins.
Frá Grindavík en fjallið Þorbjörn er í nágrenni bæjarins. vísir/vilhelm

Skjálfti 3,1 að stærð mældist skammt frá Grindavík klukkan 8:26 í morgun. Skjálftinn fannst vel í Grindavík.

Á vef Veðurstofunnar kemur fram að upptök skjálftans hafi verið 4,8 kílómetrum norð-norðvestur af Grindavík.

Almennt hefur dregið hefur úr skjálftavirkni í grennd við Grindavík undanfarna daga, þó að enn hafi mælst smáskjálftar á svæðinu.

Vísbendingar hafa verið um breytt mynstur í jarðskorpuhreyfingum, en hægt hafi á landrisi þótt enn megi sjá gliðnun yfir svæðið. Í heildina hefur land risið yfir 5 cm frá 20. janúar.

Á vef Veðurstofunnar segir að líklegasta skýringin á þessari virkni sé kvikuinnskot á þriggja til fimm kílómetra dýpi rétt vestan við Þorbjörn. Líklegast sé  að virkninni ljúki án eldsumbrota.

Eldgos og jarðhræringar Grindavík Jarðhræringar á Reykjanesi

Tengdar fréttir

Minni skjálftavirkni við Þorbjörn og lítið landris

Þetta er nú allt að róast. Ég myndi nú ekki segja að þetta væri búið, það eru alveg að koma inn skjálftar þarna og við sjáum alveg á Grindavíkurstöðinni að það er enn þá svolítil virkni en hún er mjög lítil þannig að við náum ekki að staðsetja þá, segir Benedikt Ófeigsson, jarðeðlisfræðingur á Veðurstofu Íslands

Mest lesið


Fleiri fréttir

Sjá meira


×

Mest lesið