Kærður fyrir að grínast með kórónuveiruna

Dele Alli, leikmaður Tottenham, hefur verið kærður af enska knattspyrnusambandinu vegna myndbands sem hann setti inn á Snapchat.

Í myndbandinu mun Alli hafa reynt að grínast með útbreiðslu kórónuveirunnar auk þess sem hann virtist gera grín að asískum manni. Hann eyddi síðar vídjóinu og setti inn nýtt vídjó á kínverska samfélagsmiðilinn Weibo þar sem hann baðst afsökunar og kvaðst hafa brugðist sjálfum sér og Tottenham.

Alli hefur nú frest fram til 5. mars til þess að bregðast við kærunni.