Yfir 40 veiðisvæði á vefsölunni

Veiðimenn eru þessa dagana að komast í veiðigírinn enda er einn skemmtilegasti tími ársins framundan en það er sá tími sem silungurinn fer að komast í tökustuð.

Úrvalið af veiði sem er í boði á Íslandi er einstakt og verðin í silungsveiðina yfirleitt mjög hagkvæm enda er veiðivon á flestum veiðisvæðum landsins góð, í raun svo góð að hingað flykkjast erlendir veiðimenn til að veiða silung. Það hefur löngum verið haldið fram að erlendir veiðimenn komi hingað aðeins í dýra laxveiði en sá hópur sem hingað sækir í silung fer ört stækkandi. Ástæðan er bara sú að hér komast veiðimenn í þau veiðigæði sem eru vandfundin í flestum löndum.

Veiðivísir hefur verið að skoða vefsölurnar hjá nokkrumveiðileyfasölum og úrvalið er gott. Veiða.is hefur til að mynda um það bil fjörtíu veiðisvæði á vefsölunni og það sem flestir eru að skoða þar í dag er silungsveiðin. Það má til dæmis finna leyfi í Brúará, Eldvatn, Fossá, Fremri LaxáGaltalæk, Hlíðarvatn, Hörðudalsá, Hraun í ÖlfusiHVols- og Staðarhólsá, silungasvæðin í Laxá neðan stíflku, Lónsá, silungasvæði Miðfjarðarár, Minnivallalæk og Vantamót bara svo fá ein séu nefnd. Kíktu á www.veida.is og þú finnur örugglega leyfi á verði sem passar þér.