Valdimar á leið til Noregs

Fylkismaðurinn Valdimar Þór Ingimundarson er á leiðinni til Noregs ef marka má heimildir fjölmiðlamannsins, Hrafnkels Freys Ágústssonar.

Hann er þar á leiðinni til norska félagsins Strømsgodset en hann hefur leikið á alls oddi í Pepsi Max deildinni í sumar.

Hann hefur skorað átta mörk í þeim ellefu leikjum sem hann hefur spilað fyrir Fylki í sumar en hann skoraði sex mörk í deildinni á síðustu leiktíð.

Hrafnkell Helgi Helgason, stjórnarformaður Fylkis, staðfestir í ummælum undir færslu nafna síns að tilboðið hafi borist nokkrum dögum eftir að Guðmundur Benediktsson hafi greint frá þessu í Pepsi Max stúkunni.

Hvort að Valdimar yfirgefi félagið nú eða eftir tímabilið er óvíst á þessari stundu.