Svona var 115. upp­lýsinga­fundurinn vegna kórónu­veiru

Boðað hefur verið til upplýsingafundar almannavarnadeildar ríkislögreglustjóra og landlæknis í húsnæði landlæknis klukkan 14 í dag. 

Þórólfur Guðnason sóttvarnalæknir og Sigríður Björk Guðjónsdóttir ríkislögreglustjóri fara yfir stöðu mála varðandi framgang Covid-19 faraldursins hér á landi. 

Þrjátíu og átta greindust með veiruna síðasta sólarhringinn sem er töluvert minna en í gær, þegar sjötíu og fimm greindust. Frá því á mánudag hafa 172 greinst með veiruna innanlands og tengjast allt að níutíu þeirra veitingastaðnum Brewdog og kránni Irishman.

Þá sagðist Þórólfur Guðnason, sóttvarnalæknir, í samtali við fréttastofu í morgun ekk telja tilefni til hertra sóttvarnaraðgerða að svo stöddu. Það sé vegna þess hve mikið færri greindust smitaðir í gær borið saman við þá sem greindust í fyrradag.

Þá kom einnig fram í morgun að Víðir Reynisson yfirlögregluþjónn sé kominn í sóttkví og  þess vegna verði Sigríður Björk á fundinum í hans stað. 

Uppfært: Fundinum er lokið. Upptaka og textalýsing af fundinum eru hér að neðan.