„Enn að reyna að átta mig á því að þetta sé raunverulegt“ Ingvi Þór Sæmundsson skrifar 25. september 2020 10:01 Tindastóll fagnar einu 43 marka sinna í Lengjudeildinni í sumar. Fyrirliðinn Bryndís Rut Haraldsdóttir er lengst til hægri á myndinni. vísir/sigurbjörn árni óskarsson Hún var ekki lítið ánægð, Bryndís Rut Haraldsdóttir, fyrirliði Tindastóls, þegar blaðamaður Vísis heyrði í henni hljóðið í gær. Og ekki að ástæðulausu enda tryggði Tindastóll sér sæti í Pepsi Max-deild kvenna með 0-4 sigri á Völsungi á Húsavík á miðvikudaginn. Þetta er í fyrsta sinn sem Sauðárkrókur eignast lið í efstu deild í fótbolta. „Tilfinningin var ólýsanleg enda stóru markmiði loksins náð. Maður er enn að reyna ná sér niður á jörðina og trúir þessu varla,“ sagði Bryndís. Súrt í fyrra en stefndu strax upp Hún segir að stefnan hafi alltaf verið sett á að komast upp í Pepsi Max-deildina í sumar. Í fyrra var Tindastóll, sem þá var nýliði í Inkasso-deildinni, aðeins tveimur stigum frá því að komast upp í Pepsi Max-deildina. Í sumar kom svo aldrei neitt annað til greina en að klára dæmið. „Strax eftir tímabilið í fyrra ræddum við um að við ætluðum okkur meira sem hópur. Þetta var frekar súrt í fyrra. En það er virkilega gaman að vera í þessari stöðu núna, að vera búnar að tryggja þetta,“ sagði Bryndís. Tindastóll er með sjö stiga forskot á Keflavík á toppi Lengjudeildarinnar. Stólarnir hafa unnið þrettán af fimmtán leikjum sínum, gert eitt jafntefli og tapað einum leik. „Við vitum alveg hvað við höfum í kjarnanum og ætluðum okkur meira en í fyrra. Hópurinn er mjög samstíga og við erum búnar að standa okkur ótrúlega vel finnst mér,“ sagði Bryndís. Amber Michel hefur aðeins fengið á sig fimm mörk í Lengjudeildinni.vísir/sigurbjörn árni óskarsson Á síðasta tímabili var oft mikið fjör og mikið skorað í leikjum Tindastóls eins og markatalan 48-34 gaf til kynna. Varnarleikur Stólanna hefur verið miklu sterkari í ár en í fyrra og þeir aðeins fengið á sig fimm mörk í fimmtán leikjum í Lengjudeildinni. Höfum varist mjög vel „Við bættum okkar mikið í varnarleiknum og það var rosalega stórt markmið að fækka mörkunum sem við fáum á okkur. Það markmið náðist. Maður setur sér alltaf lítil markmið inni í stóra markmiðinu. Við höfum varist mjög vel sem lið,“ sagði Bryndís en Tindastóll hefur haldið hreinu í síðustu sex leikjum sínum sem allir hafa unnist. Í leikmannahópi Tindastóls eru margar heimastelpur, nokkrir leikmenn frá Akureyri og þrír erlendir leikmenn, Amber Michel, Jacqueline Altschuld og markadrottningin Murielle Tiernan sem er á sínu þriðja tímabili hjá Tindastóli. Mögnuð Murielle Tiernan, sem er 26 ára bandarískur framherji, byrjaði að spila með Tindastóli í 2. deildinni 2018. Hún skoraði þá 24 mörk í fjórtán deildarleikjum og var markahæst í deildinni. Hún skoraði einnig 24 mörk í Inkasso-deildinni í fyrra og var markadrottning hennar. Og í sumar er Tiernan búin að skora 22 mörk í fimmtán leikjum og hefur skorað helmingi fleiri mörk en næstmarkahæsti leikmaður Lengjudeildarinnar. Alls hefur Tiernan skorað 70 mörk í 46 deildarleikjum á Íslandi. „Hún er rosalega góð og lykilmaður í okkar liði. Þetta er algjör markamaskína og hún gerir aðra leikmenn í kringum sig góða. Hún er eiginlega óstöðvandi,“ sagði Bryndís sem hefur ekki trú á neinu öðru en að Tiernan láti til sín taka í Pepsi Max-deildinni næsta sumar. Murielle Tiernan er langmarkahæst í Lengjudeildinni.vísir/sigurbjörn árni óskarsson „Já, eins og hún gerði þegar við fórum úr 2. deildinni var fólk að spá í hvernig hún yrði í 1. deildinni. Hún sannaði sig strax þar og ég held hún geri nákvæmlega það sama í Pepsi Max-deildinni.“ Tindastólshjartað er stórt Bryndís hefur leikið með Tindastóli allan sinn feril. Hún lék sinn fyrsta leik með meistaraflokki 2011, þá á sextánda aldursári. Bryndís segir að það hafi í raun aldrei komið til greina að fara frá Tindastóli, jafnvel þótt misvel hafi gengið hjá liðinu. „Mér hafa ekki boðist mörg tækifæri til þess. En Tindastólshjartað er frekar stórt í mér og með þetta markmið í huga í haust var aldrei neitt annað í stöðunni en að klára það,“ sagði Bryndís sem hefur lengi stefnt að því að spila með Tindastóli í efstu deild. „Það eru mörg ár síðan ég setti mér þetta markmið. Þetta er draumur sem er að rætast og ég er enn að átta mig á þessu,“ bætti Bryndís við. Tindastóll hefur unnið sex leiki í röð án þess að fá á sig mark.vísir/sigurbjörn árni óskarsson Sauðárkrókur hefur í gegnum tíðina verið þekktari sem körfuboltabær en fótboltabær. Bryndís segir þó að stuðningurinn við fótboltann á Króknum sé góður. „Mér finnst samfélagið styðja virkilega vel við bakið á okkur. Ég held að fólk sé virkilega ánægt með okkur. Við höfum fundið fyrir miklum stuðningi og erum rosalega þakklátar fyrir hann. Það eru margir sem koma á völlinn sama hvernig veðrið er,“ sagði Bryndís. Sögulegt afrek Hún kveðst mjög stolt af því að hafa komið Tindastóli almennilega á íslenska fótboltakortið. „Þetta er sögulegt afrek sem við höfum náð og maður er enn að reyna að átta sig á því að þetta sé raunverulegt. Eins og fyrir mig. Það eru örugglega þrjú ár síðan ég ræddi um að komast upp í Pepsi Max-deildina,“ sagði Bryndís en uppgangur Tindastóls undanfarin ár hefur verið hraður. Eftir að hafa endað í 10. og neðsta sæti 1. deildar 2017 vann Tindastóll 2. deildina ári seinna. Í fyrra var liðið svo hársbreidd frá því að komast upp í Pepsi Max-deildina, eins og áður sagði, en náði stóra markmiðinu í ár. Sumarið 2021 keppir Tindastóll því við bestu lið landsins í Pepsi Max-deildinni. Stólarnir ætla sér að vinna Lengjudeildina.vísir/sigurbjörn árni óskarsson Stólarnir hlakka til að spila í efstu deild en stefna fyrst að því að vinna Lengjudeildina. Tindastóll á eftir að mæta Haukum á heimavelli, ÍA á útivelli og Völsungi á heimavelli. „Við erum alveg byrjaðar að hugsa um næsta tímabil, auðvitað hugsar maður aðeins lengra. En næsta markmið er að klára deildina og vinna hana,“ sagði Bryndís að lokum. Pepsi Max-deild kvenna Lengjudeildin Tindastóll Skagafjörður Mest lesið Helenu nóg boðið: „Ætlum við í alvöru að leyfa þessu að gerast?“ Körfubolti Leysti frá skjóðunni um hvað gerðist í þriðja hring Sport Yfirlýsing KKÍ: Hvorki vilja né geta tjáð sig um mál Davíðs Körfubolti „Ég væri dáinn ef hún væri ekki hér“ Enski boltinn Úr efstu deild í fótbolta á HM í utanvegahlaupum: „Ætla að njóta sársaukans“ Sport Trump vill koma í veg fyrir að UEFA banni Ísrael Fótbolti Dóttir auðkýfings orðin forseti félags 23 ára gömul Fótbolti Giroud tryggði sigurinn eftir mark Sævars Fótbolti Chiesa græðir á óheppni landa síns Fótbolti Kristófer djarfur í Fantasy: Tuttugu mínusstig í síðustu tveimur umferðum Enski boltinn Fleiri fréttir Spilaði fyrsta leikinn í tvö ár: „Er í gervigrasskóm og hef ekki snert gras síðan 2023“ Í beinni: Þór/KA - Tindastóll | Geta dregið grannana niður í fallbaráttu Högg fyrir KR-inga í fallbaráttunni Í beinni: Þróttur - Víkingur | Geta unnið sjötta leikinn í röð Í beinni: Breiðablik - Stjarnan | Blikar geta orðið meistarar Í beinni: FH - Valur | Jafnar viðureignir í sumar Blikar gætu aftur orðið Íslandsmeistarar í kvöld Hvergi nærri hætt: „Markmiðið var alltaf að sýna gömlu góðu Berglindi“ Botnslagurinn færður Gullboltinn í Bestu deildinni: „Þristurinn minn gæti orðið umdeildur“ Rúnar Már og Amin missa af stórleiknum upp á Skaga Náð í fleiri stig í átta leikjum síðan Birnir kom en í fimmtán leikjum þar á undan Finnst ólíklegt að KR bjargi sér: „Þetta er orðið verra og verra og verra“ Sjáðu vítið sem gerði Blika æfa: „Ótrúlegt að enginn af dómurunum sjái þetta“ Viðurkennir að vítið sem Víkingur fékk hafi ekki átt að standa Höskuldur um vítaspyrnudóminn umdeilda: „Grimmt að dæma hendi á þetta“ Uppgjörið: Valur - Breiðablik 1-1 | Hádramatískar lokamínútur skiluðu Valsmönnum stigi Markatalan 10-1 eftir að Lárus Orri fann liðið sitt Sjáðu vítadóminn í Víkinni og öll mörk gærdagsins „Stefnan sett á topp fjallsins og við reynum að klífa þangað“ „Ömurleg frammistaða hjá gæjunum í gulu búningunum“ „Verðum að passa okkur að fara ekki í fórnarlambsgír“ Uppgjörið: KA - KR 4-2 | Akureyringar sendu Vesturbæinga í fallsæti Uppgjörið: Stjarnan - FH 0-0 | Tíðindalítið jafntefli í Garðabæ Uppgjörið: Víkingur - Fram 2-1 | Gylfi tryggði sigur sem styrkir stöðuna „Heldur þessi veisla ekki bara áfram?“ „Ótrúlega súrt að upplifa það að dómarinn hafi slík áhrif“ Uppgjörið: Þróttur - HK 2-3 | Mæta Keflavík í úrslitum eftir markaveislu Uppgjörið: ÍBV - Afturelding 1-1 | Bæði mörkin skoruð beint úr aukaspyrnu Uppgjörið: Njarðvík - Keflavík 0-3 | Keflvíkingar á leið í úrslitaleikinn Sjá meira
Hún var ekki lítið ánægð, Bryndís Rut Haraldsdóttir, fyrirliði Tindastóls, þegar blaðamaður Vísis heyrði í henni hljóðið í gær. Og ekki að ástæðulausu enda tryggði Tindastóll sér sæti í Pepsi Max-deild kvenna með 0-4 sigri á Völsungi á Húsavík á miðvikudaginn. Þetta er í fyrsta sinn sem Sauðárkrókur eignast lið í efstu deild í fótbolta. „Tilfinningin var ólýsanleg enda stóru markmiði loksins náð. Maður er enn að reyna ná sér niður á jörðina og trúir þessu varla,“ sagði Bryndís. Súrt í fyrra en stefndu strax upp Hún segir að stefnan hafi alltaf verið sett á að komast upp í Pepsi Max-deildina í sumar. Í fyrra var Tindastóll, sem þá var nýliði í Inkasso-deildinni, aðeins tveimur stigum frá því að komast upp í Pepsi Max-deildina. Í sumar kom svo aldrei neitt annað til greina en að klára dæmið. „Strax eftir tímabilið í fyrra ræddum við um að við ætluðum okkur meira sem hópur. Þetta var frekar súrt í fyrra. En það er virkilega gaman að vera í þessari stöðu núna, að vera búnar að tryggja þetta,“ sagði Bryndís. Tindastóll er með sjö stiga forskot á Keflavík á toppi Lengjudeildarinnar. Stólarnir hafa unnið þrettán af fimmtán leikjum sínum, gert eitt jafntefli og tapað einum leik. „Við vitum alveg hvað við höfum í kjarnanum og ætluðum okkur meira en í fyrra. Hópurinn er mjög samstíga og við erum búnar að standa okkur ótrúlega vel finnst mér,“ sagði Bryndís. Amber Michel hefur aðeins fengið á sig fimm mörk í Lengjudeildinni.vísir/sigurbjörn árni óskarsson Á síðasta tímabili var oft mikið fjör og mikið skorað í leikjum Tindastóls eins og markatalan 48-34 gaf til kynna. Varnarleikur Stólanna hefur verið miklu sterkari í ár en í fyrra og þeir aðeins fengið á sig fimm mörk í fimmtán leikjum í Lengjudeildinni. Höfum varist mjög vel „Við bættum okkar mikið í varnarleiknum og það var rosalega stórt markmið að fækka mörkunum sem við fáum á okkur. Það markmið náðist. Maður setur sér alltaf lítil markmið inni í stóra markmiðinu. Við höfum varist mjög vel sem lið,“ sagði Bryndís en Tindastóll hefur haldið hreinu í síðustu sex leikjum sínum sem allir hafa unnist. Í leikmannahópi Tindastóls eru margar heimastelpur, nokkrir leikmenn frá Akureyri og þrír erlendir leikmenn, Amber Michel, Jacqueline Altschuld og markadrottningin Murielle Tiernan sem er á sínu þriðja tímabili hjá Tindastóli. Mögnuð Murielle Tiernan, sem er 26 ára bandarískur framherji, byrjaði að spila með Tindastóli í 2. deildinni 2018. Hún skoraði þá 24 mörk í fjórtán deildarleikjum og var markahæst í deildinni. Hún skoraði einnig 24 mörk í Inkasso-deildinni í fyrra og var markadrottning hennar. Og í sumar er Tiernan búin að skora 22 mörk í fimmtán leikjum og hefur skorað helmingi fleiri mörk en næstmarkahæsti leikmaður Lengjudeildarinnar. Alls hefur Tiernan skorað 70 mörk í 46 deildarleikjum á Íslandi. „Hún er rosalega góð og lykilmaður í okkar liði. Þetta er algjör markamaskína og hún gerir aðra leikmenn í kringum sig góða. Hún er eiginlega óstöðvandi,“ sagði Bryndís sem hefur ekki trú á neinu öðru en að Tiernan láti til sín taka í Pepsi Max-deildinni næsta sumar. Murielle Tiernan er langmarkahæst í Lengjudeildinni.vísir/sigurbjörn árni óskarsson „Já, eins og hún gerði þegar við fórum úr 2. deildinni var fólk að spá í hvernig hún yrði í 1. deildinni. Hún sannaði sig strax þar og ég held hún geri nákvæmlega það sama í Pepsi Max-deildinni.“ Tindastólshjartað er stórt Bryndís hefur leikið með Tindastóli allan sinn feril. Hún lék sinn fyrsta leik með meistaraflokki 2011, þá á sextánda aldursári. Bryndís segir að það hafi í raun aldrei komið til greina að fara frá Tindastóli, jafnvel þótt misvel hafi gengið hjá liðinu. „Mér hafa ekki boðist mörg tækifæri til þess. En Tindastólshjartað er frekar stórt í mér og með þetta markmið í huga í haust var aldrei neitt annað í stöðunni en að klára það,“ sagði Bryndís sem hefur lengi stefnt að því að spila með Tindastóli í efstu deild. „Það eru mörg ár síðan ég setti mér þetta markmið. Þetta er draumur sem er að rætast og ég er enn að átta mig á þessu,“ bætti Bryndís við. Tindastóll hefur unnið sex leiki í röð án þess að fá á sig mark.vísir/sigurbjörn árni óskarsson Sauðárkrókur hefur í gegnum tíðina verið þekktari sem körfuboltabær en fótboltabær. Bryndís segir þó að stuðningurinn við fótboltann á Króknum sé góður. „Mér finnst samfélagið styðja virkilega vel við bakið á okkur. Ég held að fólk sé virkilega ánægt með okkur. Við höfum fundið fyrir miklum stuðningi og erum rosalega þakklátar fyrir hann. Það eru margir sem koma á völlinn sama hvernig veðrið er,“ sagði Bryndís. Sögulegt afrek Hún kveðst mjög stolt af því að hafa komið Tindastóli almennilega á íslenska fótboltakortið. „Þetta er sögulegt afrek sem við höfum náð og maður er enn að reyna að átta sig á því að þetta sé raunverulegt. Eins og fyrir mig. Það eru örugglega þrjú ár síðan ég ræddi um að komast upp í Pepsi Max-deildina,“ sagði Bryndís en uppgangur Tindastóls undanfarin ár hefur verið hraður. Eftir að hafa endað í 10. og neðsta sæti 1. deildar 2017 vann Tindastóll 2. deildina ári seinna. Í fyrra var liðið svo hársbreidd frá því að komast upp í Pepsi Max-deildina, eins og áður sagði, en náði stóra markmiðinu í ár. Sumarið 2021 keppir Tindastóll því við bestu lið landsins í Pepsi Max-deildinni. Stólarnir ætla sér að vinna Lengjudeildina.vísir/sigurbjörn árni óskarsson Stólarnir hlakka til að spila í efstu deild en stefna fyrst að því að vinna Lengjudeildina. Tindastóll á eftir að mæta Haukum á heimavelli, ÍA á útivelli og Völsungi á heimavelli. „Við erum alveg byrjaðar að hugsa um næsta tímabil, auðvitað hugsar maður aðeins lengra. En næsta markmið er að klára deildina og vinna hana,“ sagði Bryndís að lokum.
Pepsi Max-deild kvenna Lengjudeildin Tindastóll Skagafjörður Mest lesið Helenu nóg boðið: „Ætlum við í alvöru að leyfa þessu að gerast?“ Körfubolti Leysti frá skjóðunni um hvað gerðist í þriðja hring Sport Yfirlýsing KKÍ: Hvorki vilja né geta tjáð sig um mál Davíðs Körfubolti „Ég væri dáinn ef hún væri ekki hér“ Enski boltinn Úr efstu deild í fótbolta á HM í utanvegahlaupum: „Ætla að njóta sársaukans“ Sport Trump vill koma í veg fyrir að UEFA banni Ísrael Fótbolti Dóttir auðkýfings orðin forseti félags 23 ára gömul Fótbolti Giroud tryggði sigurinn eftir mark Sævars Fótbolti Chiesa græðir á óheppni landa síns Fótbolti Kristófer djarfur í Fantasy: Tuttugu mínusstig í síðustu tveimur umferðum Enski boltinn Fleiri fréttir Spilaði fyrsta leikinn í tvö ár: „Er í gervigrasskóm og hef ekki snert gras síðan 2023“ Í beinni: Þór/KA - Tindastóll | Geta dregið grannana niður í fallbaráttu Högg fyrir KR-inga í fallbaráttunni Í beinni: Þróttur - Víkingur | Geta unnið sjötta leikinn í röð Í beinni: Breiðablik - Stjarnan | Blikar geta orðið meistarar Í beinni: FH - Valur | Jafnar viðureignir í sumar Blikar gætu aftur orðið Íslandsmeistarar í kvöld Hvergi nærri hætt: „Markmiðið var alltaf að sýna gömlu góðu Berglindi“ Botnslagurinn færður Gullboltinn í Bestu deildinni: „Þristurinn minn gæti orðið umdeildur“ Rúnar Már og Amin missa af stórleiknum upp á Skaga Náð í fleiri stig í átta leikjum síðan Birnir kom en í fimmtán leikjum þar á undan Finnst ólíklegt að KR bjargi sér: „Þetta er orðið verra og verra og verra“ Sjáðu vítið sem gerði Blika æfa: „Ótrúlegt að enginn af dómurunum sjái þetta“ Viðurkennir að vítið sem Víkingur fékk hafi ekki átt að standa Höskuldur um vítaspyrnudóminn umdeilda: „Grimmt að dæma hendi á þetta“ Uppgjörið: Valur - Breiðablik 1-1 | Hádramatískar lokamínútur skiluðu Valsmönnum stigi Markatalan 10-1 eftir að Lárus Orri fann liðið sitt Sjáðu vítadóminn í Víkinni og öll mörk gærdagsins „Stefnan sett á topp fjallsins og við reynum að klífa þangað“ „Ömurleg frammistaða hjá gæjunum í gulu búningunum“ „Verðum að passa okkur að fara ekki í fórnarlambsgír“ Uppgjörið: KA - KR 4-2 | Akureyringar sendu Vesturbæinga í fallsæti Uppgjörið: Stjarnan - FH 0-0 | Tíðindalítið jafntefli í Garðabæ Uppgjörið: Víkingur - Fram 2-1 | Gylfi tryggði sigur sem styrkir stöðuna „Heldur þessi veisla ekki bara áfram?“ „Ótrúlega súrt að upplifa það að dómarinn hafi slík áhrif“ Uppgjörið: Þróttur - HK 2-3 | Mæta Keflavík í úrslitum eftir markaveislu Uppgjörið: ÍBV - Afturelding 1-1 | Bæði mörkin skoruð beint úr aukaspyrnu Uppgjörið: Njarðvík - Keflavík 0-3 | Keflvíkingar á leið í úrslitaleikinn Sjá meira