Kia Sorento vinnur Gullna stýrið Kristinn Ásgeir Gylfason skrifar 7. nóvember 2020 07:01 Kia Sorento Nýr Kia Sorento var sæmdur hinu eftirsótta Gullna stýri en tilkynnt var um verðlaunin í Þýskalandi í gær. Kia Sorento hafði betur í úrslitum við Aston Martin DBX og BMW X6 í flokki stórra sportjeppa. Verðlaunin eru talin ein þau eftirsóttustu í bílaiðnaðinum í Þýskalandi segir í fréttatilkynningu frá Öskju. Það eru fjölmiðlarnir Auto Bild og Bild am Sonntag sem standa að verðlaununum sem voru fyrst veitt árið 1976. Fjórða kynslóð Kia Sorento er nýkomin á markað og hefur fengið mjög góðar viðtökur. Þessi stóri og stæðilegi bíll er enn rúmbetri en forveri hans og er sjö manna. Bíllinn hefur auk þess mikla dráttargetu. Sorento kemur nú með þremur mismunandi orkugjöfum; sem tengiltvinnbíll (Plug-in Hybrid), tvinnbíll (Hybrid) og í dísilútfærslu. „Hinn nýi Kia Sorento er afbragðsgóður bíll. Aksturseiginleikarnir eru sérlega góðir og hönnunin mjög vel heppnuð. Það er mikið pláss fyrir fólk og farangur, hönnun innra rýmisins er mjög góð sem og tækni og öryggisatriði,“ segir Tom Drechsler, aðalritstjóri Auto Bild. „Við erum mjög stolt af þessum verðlaunum og að fjölmargir lesendur Auto Bild og Bild am Sonntag telji að Kia Sorento sé besti bíllinn í sínum flokki. Það er mjög ánægjulegt að Kia sé fyrir ofan tvö lúxusbílamerki Aston Martin og BMW sem segir okkur að Kia hafi hækkað upp í lúxusflokkinn með hinum nýja Sorento,“ segir Steffen Cost, framkvæmdastjóri Kia Motors í Þýskalandi. Nýr Sorento var frumsýndur hjá Öskju í síðustu viku. „Viðtökur hafa verið frábærar, enda er Sorento vel heppnaður bíll og kaupendahópurinn traustur hér á landi. Bíllinn skarar fram úr á ýmsum sviðum og hefur Arctic Edition útfærslan með 3,5 cm. upphækkun og 32" dekkjum vakið athygli. Þá er 2.500 kg. dráttargetan að heilla marga,“ segir Þorgeir R. Pálsson, sölustjóri Kia hjá Öskju. Mest lesið Fundu lík karlmanns í Reynisfjalli Innlent Frambjóðandi Trump lýsti sér sem „svörtum nasista“ á klámsíðu Erlent Sýknaður af ákæru um manndráp af gáleysi á Akureyri Innlent Kona á níræðisaldri sá björninn í þriggja metra fjarlægð Innlent Ákærður fyrir að stinga lækni í kvöldgöngu Innlent Áhyggjuefni að innri landamærin séu ekki betur tryggð Innlent „Kerfið er algjörlega að bregðast fólkinu“ Innlent Rafrettukóngur og eigandi Drekans sakaðir um 740 milljóna brot Innlent Nafn mannsins sem lést í vinnuslysi í Árborg Innlent Reyndist ekki faðir stúlknanna Innlent
Nýr Kia Sorento var sæmdur hinu eftirsótta Gullna stýri en tilkynnt var um verðlaunin í Þýskalandi í gær. Kia Sorento hafði betur í úrslitum við Aston Martin DBX og BMW X6 í flokki stórra sportjeppa. Verðlaunin eru talin ein þau eftirsóttustu í bílaiðnaðinum í Þýskalandi segir í fréttatilkynningu frá Öskju. Það eru fjölmiðlarnir Auto Bild og Bild am Sonntag sem standa að verðlaununum sem voru fyrst veitt árið 1976. Fjórða kynslóð Kia Sorento er nýkomin á markað og hefur fengið mjög góðar viðtökur. Þessi stóri og stæðilegi bíll er enn rúmbetri en forveri hans og er sjö manna. Bíllinn hefur auk þess mikla dráttargetu. Sorento kemur nú með þremur mismunandi orkugjöfum; sem tengiltvinnbíll (Plug-in Hybrid), tvinnbíll (Hybrid) og í dísilútfærslu. „Hinn nýi Kia Sorento er afbragðsgóður bíll. Aksturseiginleikarnir eru sérlega góðir og hönnunin mjög vel heppnuð. Það er mikið pláss fyrir fólk og farangur, hönnun innra rýmisins er mjög góð sem og tækni og öryggisatriði,“ segir Tom Drechsler, aðalritstjóri Auto Bild. „Við erum mjög stolt af þessum verðlaunum og að fjölmargir lesendur Auto Bild og Bild am Sonntag telji að Kia Sorento sé besti bíllinn í sínum flokki. Það er mjög ánægjulegt að Kia sé fyrir ofan tvö lúxusbílamerki Aston Martin og BMW sem segir okkur að Kia hafi hækkað upp í lúxusflokkinn með hinum nýja Sorento,“ segir Steffen Cost, framkvæmdastjóri Kia Motors í Þýskalandi. Nýr Sorento var frumsýndur hjá Öskju í síðustu viku. „Viðtökur hafa verið frábærar, enda er Sorento vel heppnaður bíll og kaupendahópurinn traustur hér á landi. Bíllinn skarar fram úr á ýmsum sviðum og hefur Arctic Edition útfærslan með 3,5 cm. upphækkun og 32" dekkjum vakið athygli. Þá er 2.500 kg. dráttargetan að heilla marga,“ segir Þorgeir R. Pálsson, sölustjóri Kia hjá Öskju.
Mest lesið Fundu lík karlmanns í Reynisfjalli Innlent Frambjóðandi Trump lýsti sér sem „svörtum nasista“ á klámsíðu Erlent Sýknaður af ákæru um manndráp af gáleysi á Akureyri Innlent Kona á níræðisaldri sá björninn í þriggja metra fjarlægð Innlent Ákærður fyrir að stinga lækni í kvöldgöngu Innlent Áhyggjuefni að innri landamærin séu ekki betur tryggð Innlent „Kerfið er algjörlega að bregðast fólkinu“ Innlent Rafrettukóngur og eigandi Drekans sakaðir um 740 milljóna brot Innlent Nafn mannsins sem lést í vinnuslysi í Árborg Innlent Reyndist ekki faðir stúlknanna Innlent