Pétur og Sveppi hringdu í Steinda úr húsbílnum um miðja nótt

Á dögunum bjölluðu þeir í Steinþór Hróar klukkan hálf eitt um nótt og svaraði Steindi um hæl. Steindi tók mjög vel í símtalið og ræddi við þá félaga um jólaskreytingar og margt fleira.

„Ég er mjög mikið jólabarn og finnst ég eiginlega vera seinn í skreytingunni í ár ef eitthvað er,“ segir Steindi sem er með gervijólatré.

„Þetta er bara eitthvað plastdrasl sem maður setur seríu á og málið er dautt,“ sagði Steindi en þegar símtalið átti sér stað voru þeir Sveppi og Pétur staddir í húsbíl í Laugardalnum.

Allir þættir eru aðgengilegir á podify.is en hér að neðan má hlusta á símtalið.