Rafmagnslaust um stutta stund víða á höfuðborgarsvæðinu

Rafmagnslaust varð í Garðabæ, Hafnarfirði og hluta Kópavogs á ellefta tímanum í kvöld. Rafmagn er komið aftur á flestum stöðum, eftir upplýsingum frá Landsneti.

Steinunn Þorsteinsdóttir, upplýsingafulltrúi Landsnets, segir að ástæða þess að rafmagn hafi farið af í 20 til 30 mínútur á umræddu svæði hafi verið að hluti svokallaðrar Hnoðraholtslínu, sem liggur á milli Hamraness og Hnoðraholts, hafi farið út.

Hún ástæðu þess að hluti línunnar hafi farið ekki liggja fyrir, en að tilkynningar frá Landsneti sé að vænta um leið og komist verði til botns í því.