Upplifði ofsaþreytu, aukinn hjartslátt, svitnaði alla nóttina og missti bragð- og lyktarskyn

YouTube-notandinn Dan Mace lýsir í smáatriðum hvernig kórónaveiran hafði áhrif á hann en Mace er Suður-Afríkumaður sem fékk þær niðurstöður 21. mars að hann hefði smitast af kórónuveirunni sem veldur Covid-19 sjúkdómnum.

Saga hans af sjúkdómnum byrjar í kringum 20. febrúar þegar hann var staddur í Los Angeles. Hann segir að einkenni hans hafi ekki verið á þá leið sem talað hafi verið um í fjölmiðlum.

Mace upplifði þreytu sem hann á erfitt með lýsa, hann svitnaði gríðarlega alla nóttina og missti bragð- og lyktarskyn.

Hann segist einnig hafa fundið fyrir auknum hjartslætti og lýsir því eins og hjartað væri að springa. Hann varð mjög viðkvæmur fyrir lýsingu og hljóði.

Mace fer mjög ítarlega yfir síðastliðinn mánuð í hans lífi í myndbandinu hér að neðan.