Úganda: Allt stefnir í yfirburðasigur Museveni Heimsljós 15. janúar 2021 11:12 Miklar biðraðir mynduðust víða í gær þegar kjörstaðir opnuðu. Fyrstu tölur benda til yfirburðasigurs Yoweri Museveni í forseta- og þingkosningum sem standa nú yfir í Úganda. Íbúar Úganda gengu að kjörborði í gær í forseta- og þingkosningum sem fóru að mestu leyti friðsamlega fram. Samkvæmt fyrstu tölum stefnir í yfirburðasigur Yoweri Museveni forseta sem kemur til með að sitja á forsetastóli sjötta kjörtímabilið í röð. Þegar fjórðungur aðkvæða hefur verið talinn hefur forsetinn fengið um 65 prósent atkvæða. Tíu aðrir frambjóðendur buðu sig fram til forseta. Af þeim hefur þingmaðurinn sem kallar sig Bobi Wine langmest fylgi, eða rúmlega 23 prósent. Sameinuðu þjóðirnar höfðu í aðdraganda kosninganna hvatt stjórnvöld í Úganda til þess að tryggja heiðarlegar og friðsamlegar kosningar. Undanfarna mánuði hefur mikil spenna verið í landinu vegna kosninganna og blóðug átök leiddu til þess í nóvember að fimmtíu manns létust. Síðustu sólarhringana fyrir kosningar lokuðu stjórnvöld á internetið og samfélagsmiðla, handtökur hafa verið tíðar og núna í morgunsárið umkringdi herinn heimili Bobi Wine. Samkvæmt fréttamiðlum í Úganda var kjörsókn mikil þrátt fyrir óttann við kórónuveiruna. Alls voru um 18 milljónir íbúa á kjörskrá og kjörstaðir rúmlega 35 þúsund talsins. Úrhelli setti svip sinn á daginn á einhverjum kjörstöðum og leiddi til þess að talning atkvæða hófst síðar en ráðgert hafði verið. Einnig voru tæknileg vandkvæði á fáeinum kjörstöðum, meðal annars í höfuðborginni Kampala, þar sem einnig var tilkynnt um þjófnað á kjörkassa. Bobi Wine tilkynnti í morgun að hann hafni niðurstöðum kjörstjórnar um úrslit kosninganna og kveðst sjálfur hafa sigrað. Hann segir víðtækt svindl hafa átt sér stað. Þessi grein er hluti af samstarfi Vísis og utanríkisráðuneytisins um miðlun frétta af þróunarsamstarfi Íslands um allan heim. Fréttin birtist fyrst í Heimsljósi, upplýsingaveitu utanríkisráðuneytisins um þróunar- og mannúðarmál. Þróunarsamvinna Úganda Mest lesið Haft höggbor beint fyrir utan í hálft ár og kominn með nóg Innlent Tveggja vikna tvíburasystrum vísað úr landi Innlent Thunberg meðal 500 handtekinna aðgerðasinna Erlent Hátt spennustig um borð eftir að ísraelski sjóherinn hóf handtökur Innlent Tveir látnir og þrír alvarlega særðir eftir árás í Manchester Erlent „Brotamenn eru nú ekki oft miklir borgunarmenn“ Innlent POTS-samtök fá lögfræðing í málið: „Margir eru rúmliggjandi í dag“ Innlent Óánægja með Kópavogsmódelið: Foreldrar upplifa samviskubit, aukið álag og stöðuga tímapressu Innlent Leiðtogafundur í Danmörku: „Rússar munu ekki stoppa fyrr en tilneyddir“ Erlent Söguðu gat á flugsafn til að stinga inn Boeing 757 Innlent
Íbúar Úganda gengu að kjörborði í gær í forseta- og þingkosningum sem fóru að mestu leyti friðsamlega fram. Samkvæmt fyrstu tölum stefnir í yfirburðasigur Yoweri Museveni forseta sem kemur til með að sitja á forsetastóli sjötta kjörtímabilið í röð. Þegar fjórðungur aðkvæða hefur verið talinn hefur forsetinn fengið um 65 prósent atkvæða. Tíu aðrir frambjóðendur buðu sig fram til forseta. Af þeim hefur þingmaðurinn sem kallar sig Bobi Wine langmest fylgi, eða rúmlega 23 prósent. Sameinuðu þjóðirnar höfðu í aðdraganda kosninganna hvatt stjórnvöld í Úganda til þess að tryggja heiðarlegar og friðsamlegar kosningar. Undanfarna mánuði hefur mikil spenna verið í landinu vegna kosninganna og blóðug átök leiddu til þess í nóvember að fimmtíu manns létust. Síðustu sólarhringana fyrir kosningar lokuðu stjórnvöld á internetið og samfélagsmiðla, handtökur hafa verið tíðar og núna í morgunsárið umkringdi herinn heimili Bobi Wine. Samkvæmt fréttamiðlum í Úganda var kjörsókn mikil þrátt fyrir óttann við kórónuveiruna. Alls voru um 18 milljónir íbúa á kjörskrá og kjörstaðir rúmlega 35 þúsund talsins. Úrhelli setti svip sinn á daginn á einhverjum kjörstöðum og leiddi til þess að talning atkvæða hófst síðar en ráðgert hafði verið. Einnig voru tæknileg vandkvæði á fáeinum kjörstöðum, meðal annars í höfuðborginni Kampala, þar sem einnig var tilkynnt um þjófnað á kjörkassa. Bobi Wine tilkynnti í morgun að hann hafni niðurstöðum kjörstjórnar um úrslit kosninganna og kveðst sjálfur hafa sigrað. Hann segir víðtækt svindl hafa átt sér stað. Þessi grein er hluti af samstarfi Vísis og utanríkisráðuneytisins um miðlun frétta af þróunarsamstarfi Íslands um allan heim. Fréttin birtist fyrst í Heimsljósi, upplýsingaveitu utanríkisráðuneytisins um þróunar- og mannúðarmál.
Þessi grein er hluti af samstarfi Vísis og utanríkisráðuneytisins um miðlun frétta af þróunarsamstarfi Íslands um allan heim. Fréttin birtist fyrst í Heimsljósi, upplýsingaveitu utanríkisráðuneytisins um þróunar- og mannúðarmál.
Þróunarsamvinna Úganda Mest lesið Haft höggbor beint fyrir utan í hálft ár og kominn með nóg Innlent Tveggja vikna tvíburasystrum vísað úr landi Innlent Thunberg meðal 500 handtekinna aðgerðasinna Erlent Hátt spennustig um borð eftir að ísraelski sjóherinn hóf handtökur Innlent Tveir látnir og þrír alvarlega særðir eftir árás í Manchester Erlent „Brotamenn eru nú ekki oft miklir borgunarmenn“ Innlent POTS-samtök fá lögfræðing í málið: „Margir eru rúmliggjandi í dag“ Innlent Óánægja með Kópavogsmódelið: Foreldrar upplifa samviskubit, aukið álag og stöðuga tímapressu Innlent Leiðtogafundur í Danmörku: „Rússar munu ekki stoppa fyrr en tilneyddir“ Erlent Söguðu gat á flugsafn til að stinga inn Boeing 757 Innlent
Óánægja með Kópavogsmódelið: Foreldrar upplifa samviskubit, aukið álag og stöðuga tímapressu Innlent
Óánægja með Kópavogsmódelið: Foreldrar upplifa samviskubit, aukið álag og stöðuga tímapressu Innlent