Handbolti

Alexander fer til Flensburg eftir HM

Ingvi Þór Sæmundsson skrifar
Alexander Petersson sækir að vörn Portúgals á HM.
Alexander Petersson sækir að vörn Portúgals á HM. EPA-EFE/Khaled Elfiqi

Alexander Petersson gengur í raðir Flensburg frá Rhein-Neckar Löwen eftir heimsmeistaramótið í Egyptalandi. Hann lék áður með Flensburg á árunum 2007-10.

Þetta kemur fram í Flensburger Tageblatt í morgun. Handbolti.is greindi frá fyrstur íslenskra miðla.

Alexander hefur leikið með Löwen 2012 og tvisvar sinnum orðið þýskur meistari með liðinu. Samningur hans við Löwen átti að renna út eftir tímabilið.

Alexander er ætlað að fylla skarð Frank Samper hjá Flensburg en hann er frá keppni eftir að hafa slitið krossband í hné.

Alexander er nú staddur í Egyptalandi þar sem heimsmeistaramótið fer fram. Ísland mætir Frakklandi í næsta leik sínum á morgun.

Þýski handboltinn

Mest lesið


Fleiri fréttir

Sjá meira


×

Mest lesið