Meira af tölfræði í Eystri Rangá 2020

Þá hefur tölfræðin fyrir september og október í Eystri Rangá verið tekin saman en við höfum birt áður fyrir júní, júlí og ágúst. 

Á þessu metsumri 2020 er mjög áhugavert að sjá hvernig veiðin hefur dreifst milli mánaða og veiðisvæða.  September gaf í heildina 1.115 laxa og mesta veiðin var á svæði þrjú sem gaf 208 laxa en þar voru Hrafnaklettar langgjöfulastir enda veiðistaðurinn loðinn af laxi. Svæði eitt gaf síðan 174 laxa og Bátsvaðið var þar gjöfulast en Rimahylur var líka ansi drjúgur.

Oktíber var aðeins veiddur til 20. þess mánaðar eins og reglur gera ráð fyrir og var veiðin 746 laxar á 12 stangir. Svæði sex gaf bestu veiðina eða 178 laxa og svæði þrjú og sjö þar rétt fyrir aftan með 126 og 120 laxa. Heildartölfræðina fyrir veiðina má finna inn á www.kolskeggur.is