Djokovic lagði Alexander Zverev frá Þýskalandi fyrr í dag og tryggði sér þar með sæti í undanúrslitum. Serbinn magnaði vann 3-1 sigur í viðureign sem tók tæplega fjórar klukkustundir. Eftir að hafa tapað fyrsta settinu eftir upphækkun, 6-8, vann Djokovic þrjú sett í röð [6-2, 6-4 og 8-6 eftir upphækkun] og tryggði sér sæti í undanúrslitum.
Í undanúrslitum mætir Djokovic Rússanum Aslan Karatsev og ætti að eiga greiða lið í úrslit þar sem Karatsev er á sínu fyrsta stórmóti á ferlinum. Rússinn situr sem stendur í 114. sæti og þarf að öllum líkindum að eiga sinn besta leik á ferlinum til að eiga roð í Djokovic.
A 39th Grand Slam semi-final awaits @DjokerNole #AusOpen pic.twitter.com/S3e5GA118C
— ATP Tour (@atptour) February 16, 2021
Djokovic hefur hins vegar verið að glíma við meiðsli síðan hann lagði Taylor Fritz í þriðju umferð mótsins og því gæti Karatsev óvænt átt möguleika á að tryggja sér sæti í úrslitum á sínu fyrsta stórmóti.