Húsavík tilnefnt til Óskarsins

Stefán Árni Pálsson skrifar 15. mars 2021 12:53

Rachel McAdams fer með aðalhlutverkið í kvikmyndinni ásamt Will Ferrell. Netflix

Nú fyrir stundu varð það ljóst að lagið Húsavík er tilnefnt til Óskarsverðlauna í flokknum besta frumsamda lagið í kvikmynd.

Lagið er úr kvikmyndinni Eurovision Song Contest: The Story of Fire Saga sem gerðist að stórum hluta í bænum Húsavík og fjallar um íslenska söngvara sem eiga sér þann draum heitastan að keppa í söngvakeppni evrópskra sjónvarpsstöðva.

Sungið af Molly Sandén

Savan Kotecha, Rickard Göransson og Fat Max Gsus eru höfundar lagsins en Savan var fenginn til að hafa yfirumsjón með lagasmíðum fyrir myndina. Atli Örvarsson samdi tónlist fyrir myndina en kom þó ekki að gerð lagsins Husavik.

Svíinn Molly Sandén syngur lagið fyrir persónu Rachel McAdams, sem heitir Sigrit Ericksdóttir. Spennandi verður að sjá hver syngur lagið á hátíðinni eins og tíðkast jafnan.

Óskarinn heim til Húsavíkur

Will Ferrell og Rachel McAdams fóru með aðalhlutverkin í kvikmyndinni en undanfarið hafa Húsvíkingar verið í eins konar herferð með laginu og vonast til að fá Óskarinn heim.

Óskarsverðlaunin verða veitt aðfaranótt mánudagsins 26. apríl næstkomandi.

Óskarinn Eurovision-mynd Will Ferrell Kvikmyndagerð á Íslandi Norðurþing Netflix

Tengdar fréttir

Good Morning America fjallar um myndband Húsvíkinga

Sannkallað Eurovisionæði hefur verið á Húsavík frá því að kvikmyndin Eurovision Song Contest: The Story of Fire Saga kom út síðasta sumar.

10. mars 2021 14:31

Húsvíkingar gera sig klára til að taka á móti Óskarnum

Sannkallað Eurovisionæði hefur verið á Húsavík frá því að kvikmyndin Eurovision Song Contest: The Story of Fire Saga kom út síðasta sumar.

4. mars 2021 14:31

Segir aðdáendur Eurovision vilja heimsækja Húsavík næstu árin

Húsvíkingar nýta sér nú nýorðna frægð bæjarins vegna Eurovision-myndar Wills Ferrell. Búið er að opna Jaja Ding Dong bar, setja upp álfabyggð og Eurovision-safn er í bígerð.

28. júlí 2020 23:23

Vill kynna íslensku 12 stigin frá Húsavík

Húsvíkingar verða varir við mikla athygli frá erlendum sem innlendum ferðamönnum vegna Eurovision myndar Will Ferrels og félaga.

12. júlí 2020 16:03

Húsavík er Eurovisionbærinn með greini og stóru e-i

Kristján Þór Magnússon sveitarstjóri segir Húsvíkinga ætla að nota þann byr sem mynd Will Ferrels hefur skapað.

2. júlí 2020 07:00

Eurovision-myndin: „Þetta var eiginlega alveg eins og að vera í sauðburð

„Stemmning var alveg ótrúleg og í rauninni mjög óvænt. Þetta var eiginlega eins og að vera í sauðburði,“ segir Ásta Magnúsdóttir, tónmenntakennari á Húsavík, um stemmninguna í bænum á meðan á tökum Eurovison-myndar Will Ferrells stóð yfir.

30. júní 2020 15:30

„Mér leið eins og ég hefði unnið Eurovison þegar ég var beðin um að syngja lagið“

„Ég var svo glöð þegar ég var beðin um að taka þetta að mér. Mig langaði bara að verða tólf ára aftur, hoppa um og öskra. Mér leið eins og ég hefði unnið Eurovision.“ Þetta segir Molly Sandén sem syngur inn fyrir hlutverk leikonunnar Rachel McAdams í Eurovsion-mynd Will Ferrell.

1. júlí 2020 15:00

Husavik rýkur upp vinsældalistana

Lagið er ástaróður til Húsavíkur og syngja Ferrell og Sandén meðal annars á íslensku: „Vera með þér, í Húsavík við Skjálfanda, í heimabærinn minn“.

27. júní 2020 12:43

Bakvið tjöldin við tökur á Eurovision-myndinni

Kvikmyndin Eurovision Song Contest: The Story of Fire Saga kom út í lok júní en í henni fara stórleikarnir Wil Ferrell, Rachel McAdams og Pierce Brosnan með aðalhlutverkin.

10. ágúst 2020 13:30