Hollendingar að kjörborðinu í skugga heimsfaraldurs Atli Ísleifsson skrifar 17. mars 2021 08:43 Geert Wilders, leiðtogi Frelsisflokksins, og Mark Rutte, forsætisráðherra Hollands, í sjónvarpskappræðum í síðustu viku. EPA Kjörstöðum í Hollandi verður lokað í kvöld, en þingkosningar hafa staðið yfir í landinu síðan á mánudag. Forsætisráðherra landsins til tíu ára, hinn 54 ára Mark Rutte, sækist þar eftir því að framlengja stjórnartíð sína. Kosningarnar eru haldnar í skugga heimsfaraldurs og var því ákveðið að hafa kjörstaði opna í þrjá daga til að dreifa álaginu, takmarka umferð kjósenda hverju sinni og þannig draga úr hættu á smiti. Því var beint til kjósenda að þeir sem væru í áhættuhópum vegna veirunnar, sér í lagi fólk eldra en sjötíu ára, skyldu mæta á kjörstað fyrstu tvo daga þingkosninganna, það er á mánudag og svo í gær. Aðrir kjósendur skyldu svo mæta í dag, þar sem kjörstöðum yrði fjölgað enn frekar. Í Amsterdam er búið að koma upp sérstöðum kjörstöðum þar sem kjósendur geta greitt atkvæði án þess að yfirgefa bíl sinn. Sömuleiðis er búið að koma upp sérstökum kjörstöðum fyrir hjólafólk. Strangar sóttvarnareglur eru nú í gildi í landinu þar sem flestum verslunum hefur verið gert að loka og útgöngubann er í gildi á nóttunni. Rutte líklegastur þrátt fyrir hneykslismál Þrátt fyrir mikið hneykslismál sem upp kom fyrir um tveimur mánuðum og tengdist stjórn Rutte, benda skoðanakannanir til að íhaldsflokkur hans, VVD, muni bera sigur úr býtum í kosningunum. DW segir frá því að stór hluti Hollendinga séu ánægðir með viðbrögð stjórnar hans við heimsfaraldrinum. Þó hefur stjórn Rutte sætt nokkurri gagnrýni og verið sökuð um að hafa verið svifasein varðandi fjöldabólusetningar í landinu. Fari svo að flokkur Rutte nái flestum þingsætum í neðri deild þingsins, þar sem 150 þingmenn eiga sæti, er líklegast að honum muni takast að mynda samsteypustjórn. Takist það má líklegt vera að Rutte nái senn þeim áfanga að verða þaulsetnasti forsætisráðherrann í sögu landsins. Lilianne Ploumen, leiðtogi PvdA, Geert Wilders, leiðtofi Frelsisflokksins, og forsætisráðherrann Mark Rutte, leiðtogi Þjóðarflokksins fyrir frelsi og lýðræði, í kappræðum í sjónvarpssal um liðna helgi.EPA/SEM VAN DER WAL Wilders gagnrýnir útgöngubannið Kannanir benda jafnframt til þess að Frelsisflokkurinn, sem eru undir stjórn Geert Wilders og berst gegn straumi innflytjenda til landsins, muni áfram vera næststærsti flokkurinn á þingi. Wilders hefur harðlega gagnrýnt stefnu Rutte-stjórnarinnar þegar kemur að viðbrögðum við veirufaraldrinum og segir Hollendinga meðal annars hafa orðið fyrir gríðarmikilli frelsisskerðingu vegna útgöngubanns stjórnvalda. Allt síðan í janúar hefur Hollendingum verið meinað að fara út milli 21 á kvöldin og til 4:30 á morgnana. „Okkur er haldið föngnum heima að fyrirskipan Mark Rutte,“ hefur Wilders látið hafa eftir sér, en um tíma voru mikil fjöldamótmæli á götum Amsterdam og víðar vegna aðgerðanna. 37 flokkar bjóða fram Rúmlega 16 þúsund manns hafa látið lífið af völdum Covid-19 í Hollandi frá upphafi faraldursins, en íbúar landsins telja um 17 milljónir. Aldrei hafa fleiri flokkar áður boðið fram í hollenskum þingkosningum, en þeir eru 37 að þessu sinni. Tveir kristilegir hægriflokkar, CDA og Kristilega bandalagið, sem báðir eru samstarfsflokkar VVD, flokks Rutte, keppast um að verða þriðji stærsti flokkurinn á þingi. Líklegt má telja að Rutte muni aftur leita til þeirra flokka við myndun nýrrar stjórnar, nái VVD að tryggja sér flest atkvæði. Holland Tengdar fréttir Óeirðirnar endurspegli ekki hug almennings Lögreglan í Hollandi segir að óeirðirnar í landinu seinustu daga vegna hertra kórónuveirutakmarkana séu þær verstu í landinu í fjörutíu ár. 26. janúar 2021 19:01 Verstu óeirðir í Hollandi í fjörutíu ár Lögreglan í Hollandi segir að óeirðirnar í landinu seinustu daga séu þær verstu í landinu í fjörutíu ár. Fjöldi mótmælenda hefur komið saman í hollenskum borgum til þess að mótmæla útgöngubanni sem yfirvöld hafa sett á til þess að reyna að hefta útbreiðslu kórónuveirunnar. 26. janúar 2021 07:33 Mest lesið Eiginmaður íslenskrar konu lét sig hverfa rétt eftir brúðkaupið Innlent Kona réðst að sjö ára dreng við Smáraskóla Innlent „Það er ódýrast og best og fljótlegast að kála þessum dýrum“ Innlent Fundu lík karlmanns í Reynisfjalli Innlent „Ég hefði bara sagt af mér á staðnum“ Innlent Hafa „góða hugmynd“ hvar og hvenær stúlkunni var ráðinn bani Innlent Fjórir í bílnum en enginn við stýrið Innlent Skerjafjarðarskáldið krefst afsökunarbeiðni – annars fer það í mál Innlent Yazan afar létt að vera ekki vísað frá landi Innlent Kona á níræðisaldri sá björninn í þriggja metra fjarlægð Innlent Fleiri fréttir Útskrifuð af sjúkrahúsi með hálskraga Reyndu að fella einn af leiðtogum Hezbollah Sýndu fyrstu myndböndin í dómsal Hnífjafnt á landsvísu en Harris með forskot í Pennsylvaníu Fógeti skaut dómara Títan bilaði og lenti í árekstri nokkrum dögum fyrir hinstu förina Íbúar Springfield klofnir í afstöðu sinni til heimsóknar Trump Ísraelar gera umfangsmiklar loftárásir á skotmörk í Líbanon Frambjóðandi Trump lýsti sér sem „svörtum nasista“ á klámsíðu Hafa séð Hezbollah fyrir símboðum í tvö ár Gera umfangsmiklar árásir í Líbanon Felldu tugi og brenndu forsetaflugvélina Reyna að stöðva olíuleka eftir að skip sökk við Grænland Neyðarástand vegna skógarelda í Portúgal Margrét Þórhildur á sjúkrahúsi Átta ára tók fjölskyldubílinn, ók í Target og fékk sér frappó Tuttugu konur saka Mohamed Al Fayed um kynferðisofbeldi 20 létust og 450 slösuðust þegar talstöðvarnar sprungu Vitorðsmaður viðurkennir að hafa gert það sama og Pelicot Þrír handteknir eftir skotárás við skóla í Osló Talstöðvar springa einnig í Beirút Harris eykur forskotið á landsvísu Þverár Amasonfljóts þorna upp sem aldrei fyrr Símboðarnir sagðir koma frá ungversku skúffufélagi Meta úthýsir rússneskum ríkisfjölmiðlum Stærðarinnar sprengingar í vopnageymslu í Rússlandi Telur að hægt hefði verið að koma í veg fyrir kafbátsslysið Microsoft segir rússneskt tröllabú á bak við falsáróður um Harris Neitað um lausn gegn tryggingu og á yfir höfði sér lífstíðarfangelsi 169 börn sem fæddust eftir 7. október á lista yfir látnu Sjá meira
Kosningarnar eru haldnar í skugga heimsfaraldurs og var því ákveðið að hafa kjörstaði opna í þrjá daga til að dreifa álaginu, takmarka umferð kjósenda hverju sinni og þannig draga úr hættu á smiti. Því var beint til kjósenda að þeir sem væru í áhættuhópum vegna veirunnar, sér í lagi fólk eldra en sjötíu ára, skyldu mæta á kjörstað fyrstu tvo daga þingkosninganna, það er á mánudag og svo í gær. Aðrir kjósendur skyldu svo mæta í dag, þar sem kjörstöðum yrði fjölgað enn frekar. Í Amsterdam er búið að koma upp sérstöðum kjörstöðum þar sem kjósendur geta greitt atkvæði án þess að yfirgefa bíl sinn. Sömuleiðis er búið að koma upp sérstökum kjörstöðum fyrir hjólafólk. Strangar sóttvarnareglur eru nú í gildi í landinu þar sem flestum verslunum hefur verið gert að loka og útgöngubann er í gildi á nóttunni. Rutte líklegastur þrátt fyrir hneykslismál Þrátt fyrir mikið hneykslismál sem upp kom fyrir um tveimur mánuðum og tengdist stjórn Rutte, benda skoðanakannanir til að íhaldsflokkur hans, VVD, muni bera sigur úr býtum í kosningunum. DW segir frá því að stór hluti Hollendinga séu ánægðir með viðbrögð stjórnar hans við heimsfaraldrinum. Þó hefur stjórn Rutte sætt nokkurri gagnrýni og verið sökuð um að hafa verið svifasein varðandi fjöldabólusetningar í landinu. Fari svo að flokkur Rutte nái flestum þingsætum í neðri deild þingsins, þar sem 150 þingmenn eiga sæti, er líklegast að honum muni takast að mynda samsteypustjórn. Takist það má líklegt vera að Rutte nái senn þeim áfanga að verða þaulsetnasti forsætisráðherrann í sögu landsins. Lilianne Ploumen, leiðtogi PvdA, Geert Wilders, leiðtofi Frelsisflokksins, og forsætisráðherrann Mark Rutte, leiðtogi Þjóðarflokksins fyrir frelsi og lýðræði, í kappræðum í sjónvarpssal um liðna helgi.EPA/SEM VAN DER WAL Wilders gagnrýnir útgöngubannið Kannanir benda jafnframt til þess að Frelsisflokkurinn, sem eru undir stjórn Geert Wilders og berst gegn straumi innflytjenda til landsins, muni áfram vera næststærsti flokkurinn á þingi. Wilders hefur harðlega gagnrýnt stefnu Rutte-stjórnarinnar þegar kemur að viðbrögðum við veirufaraldrinum og segir Hollendinga meðal annars hafa orðið fyrir gríðarmikilli frelsisskerðingu vegna útgöngubanns stjórnvalda. Allt síðan í janúar hefur Hollendingum verið meinað að fara út milli 21 á kvöldin og til 4:30 á morgnana. „Okkur er haldið föngnum heima að fyrirskipan Mark Rutte,“ hefur Wilders látið hafa eftir sér, en um tíma voru mikil fjöldamótmæli á götum Amsterdam og víðar vegna aðgerðanna. 37 flokkar bjóða fram Rúmlega 16 þúsund manns hafa látið lífið af völdum Covid-19 í Hollandi frá upphafi faraldursins, en íbúar landsins telja um 17 milljónir. Aldrei hafa fleiri flokkar áður boðið fram í hollenskum þingkosningum, en þeir eru 37 að þessu sinni. Tveir kristilegir hægriflokkar, CDA og Kristilega bandalagið, sem báðir eru samstarfsflokkar VVD, flokks Rutte, keppast um að verða þriðji stærsti flokkurinn á þingi. Líklegt má telja að Rutte muni aftur leita til þeirra flokka við myndun nýrrar stjórnar, nái VVD að tryggja sér flest atkvæði.
Holland Tengdar fréttir Óeirðirnar endurspegli ekki hug almennings Lögreglan í Hollandi segir að óeirðirnar í landinu seinustu daga vegna hertra kórónuveirutakmarkana séu þær verstu í landinu í fjörutíu ár. 26. janúar 2021 19:01 Verstu óeirðir í Hollandi í fjörutíu ár Lögreglan í Hollandi segir að óeirðirnar í landinu seinustu daga séu þær verstu í landinu í fjörutíu ár. Fjöldi mótmælenda hefur komið saman í hollenskum borgum til þess að mótmæla útgöngubanni sem yfirvöld hafa sett á til þess að reyna að hefta útbreiðslu kórónuveirunnar. 26. janúar 2021 07:33 Mest lesið Eiginmaður íslenskrar konu lét sig hverfa rétt eftir brúðkaupið Innlent Kona réðst að sjö ára dreng við Smáraskóla Innlent „Það er ódýrast og best og fljótlegast að kála þessum dýrum“ Innlent Fundu lík karlmanns í Reynisfjalli Innlent „Ég hefði bara sagt af mér á staðnum“ Innlent Hafa „góða hugmynd“ hvar og hvenær stúlkunni var ráðinn bani Innlent Fjórir í bílnum en enginn við stýrið Innlent Skerjafjarðarskáldið krefst afsökunarbeiðni – annars fer það í mál Innlent Yazan afar létt að vera ekki vísað frá landi Innlent Kona á níræðisaldri sá björninn í þriggja metra fjarlægð Innlent Fleiri fréttir Útskrifuð af sjúkrahúsi með hálskraga Reyndu að fella einn af leiðtogum Hezbollah Sýndu fyrstu myndböndin í dómsal Hnífjafnt á landsvísu en Harris með forskot í Pennsylvaníu Fógeti skaut dómara Títan bilaði og lenti í árekstri nokkrum dögum fyrir hinstu förina Íbúar Springfield klofnir í afstöðu sinni til heimsóknar Trump Ísraelar gera umfangsmiklar loftárásir á skotmörk í Líbanon Frambjóðandi Trump lýsti sér sem „svörtum nasista“ á klámsíðu Hafa séð Hezbollah fyrir símboðum í tvö ár Gera umfangsmiklar árásir í Líbanon Felldu tugi og brenndu forsetaflugvélina Reyna að stöðva olíuleka eftir að skip sökk við Grænland Neyðarástand vegna skógarelda í Portúgal Margrét Þórhildur á sjúkrahúsi Átta ára tók fjölskyldubílinn, ók í Target og fékk sér frappó Tuttugu konur saka Mohamed Al Fayed um kynferðisofbeldi 20 létust og 450 slösuðust þegar talstöðvarnar sprungu Vitorðsmaður viðurkennir að hafa gert það sama og Pelicot Þrír handteknir eftir skotárás við skóla í Osló Talstöðvar springa einnig í Beirút Harris eykur forskotið á landsvísu Þverár Amasonfljóts þorna upp sem aldrei fyrr Símboðarnir sagðir koma frá ungversku skúffufélagi Meta úthýsir rússneskum ríkisfjölmiðlum Stærðarinnar sprengingar í vopnageymslu í Rússlandi Telur að hægt hefði verið að koma í veg fyrir kafbátsslysið Microsoft segir rússneskt tröllabú á bak við falsáróður um Harris Neitað um lausn gegn tryggingu og á yfir höfði sér lífstíðarfangelsi 169 börn sem fæddust eftir 7. október á lista yfir látnu Sjá meira
Óeirðirnar endurspegli ekki hug almennings Lögreglan í Hollandi segir að óeirðirnar í landinu seinustu daga vegna hertra kórónuveirutakmarkana séu þær verstu í landinu í fjörutíu ár. 26. janúar 2021 19:01
Verstu óeirðir í Hollandi í fjörutíu ár Lögreglan í Hollandi segir að óeirðirnar í landinu seinustu daga séu þær verstu í landinu í fjörutíu ár. Fjöldi mótmælenda hefur komið saman í hollenskum borgum til þess að mótmæla útgöngubanni sem yfirvöld hafa sett á til þess að reyna að hefta útbreiðslu kórónuveirunnar. 26. janúar 2021 07:33