„Mig langaði mest að skilja við hana og halda áfram að drekka“ Stefán Árni Pálsson skrifar 20. apríl 2021 11:30 Tómas sló strax í gegn með Búllunni. Tómas Andrés Tómasson, sem er betur þekktur sem Tommi á Búllunni er fyrir löngu orðin goðsögn í íslensku viðskipta- og veitingalífi. Hann er nýjasti gestur Sölva Tryggvasonar í hlaðvarpi hans. Tommi er í mjög góðu líkamlegu formi og hefur æft mjög reglulega í 40 ár. Hann þakkar Bubba Morthens fyrir það. „Þegar ég fór á Rokk-showið á Broadway 1981 og sá Bubba beran að ofan varð vendipunktur. Hann hljóp um sviðið allur skorinn og vöðvastæltur. Ég fer heim, á þeim tíma þegar ég bjó á skrifstofunni á Tommaborgurum og horfði í spegilinn og mig langaði að fara að gráta. Ég var svo illa á mig kominn. Þarna byrjaði ég að æfa. Skömmu síðar var ég kominn til Kaliforníu og þá æfði ég í Gold´s Gym eftir að Pumping Iron með Arnold Schwarzenegger. Ég hef æft mjög reglulega alveg síðan. Ef að Bubbi hefði ekki verið þarna ber að ofan hefði ég ekki fengið þessa bakteríu og ég hef oft þakkað Bubba fyrir að ég hafi haldið mér í góðu formi í öll þessi ár.“ Þó að Tommi hafi í gegnum tíðina afrekað ótrúlega hluti var leiðin alls ekki alltaf slétt og felld og Tommi segist hafa verið nálægt því að glata öllum sínum tækifærum vegna drykkju. Komst upp með að drekka „Ég byrjaði mjög snemma að drekka, þegar ég var 13 ára gamall og þá opnuðust himnarnir eina ferðina enn. Ég drakk alltaf til að vera fullur og það fór mér illa að drekka. En ég fór að læra kokkinn og maður komst upp með að drekka þar. Ég hætti svo, en byrjaði aftur og þegar ég kom heim frá Bandaríkjunum átti ég erfitt með að fá vinnu af því að það hafði spurst út að ég væri drykkfelldur. En ég hætti ekki, en var svo heppinn að þáverandi konan mín sagði við á einhverjum punkti. Annað hvort hættir þú að drekka vinur eða ég skil við þig. Það er engin lygi að mig langaði mest að skilja við hana og halda áfram að drekka, en ég vildi ekki tapa djobbinu, þannig að ég tók mig til og drakk ekkert í 3 ár og það var dásamlegur tími. Þessi ár, sem voru í Grindavík, voru á margan hátt mín skemmtilegustu og bestu ár.“ Tommi hafði rekið Hard Rock Cafe, Hótel borg og marga fleiri staði þegar hann hugðist fara að setjast í helgan stein upp úr aldamótum, en áttaði sig fljótt á því að staðan væri ekki alveg nógu góð. „Ég seldi Borgina 2001 og hélt ég gæti borgað skuldir mínar og átt afgang og farið að hugsa til þess að verða grand old man, en ég skuldaði meira en ég hélt og átti minna en ég átti von á og var miklu blankari en ég hélt. Ég notaði alltaf tvo eyrnapinna eftir sturtu á morgnana, en ég var orðinn svo blankur þarna að ég tímdi bara að nota einn. En það sem vakti mig til lífsins var þegar ég þurfti að kaupa fyrirframgreitt simkort árið 2003. Ég þurfti að fara inn á 3 bankareikninga til að skrapa saman 500 kall. Þá áttaði ég mig á því að ég yrði að gera eitthvað í mínum málum. Þetta var í raun upphafið að því að ég stofnaði Búlluna. Þetta var þvílíkt sjokk og niðurlæging. Að Tommi á Hard Rock og Borginni ætti ekki einu sinni 500 kall til að setja inn á símann sinn. En þegar hugmyndin kom um að fara aftur að steikja hamborgara fannst mér það nánast niðurlægjandi. Það var tímabil sem átti að vera búið. En svo fór fólk að tala um það að Tommi væri aftur að byrja með hamborgarastað og smám saman sá ég að það gæti verið besti kosturinn í stöðunni.“ Leigðu staðinn nokkrum sinnum Eins og þekkt er orðið gekk Hamborgarabúllan strax mjög vel og áður en langt um leið var búið að opna Búlluna í London og þar varð fljótt mikið að gera líka. „Einn daginn sáum við það svo að David Beckham var mættur á staðinn til að fá sér hamborgara. Hann var bara í úlpu með sixpensara og strákinn sinn með sér og allt í einu tekur einhver eftir því að hann er þarna og það er fólk sem biður um myndir af sér með honum og þá eigum við myndir af honum inni á staðnum og svo kom hann nokkrum sinnum eftir þetta. Svo opnuðum við á King´s Road og ég veit ekki hvernig á því stóð að þau hjónin leigðu þann stað tvisvar sinnum til að halda afmælisveislu fyrir börnin sín. Þau voru bara þarna eins og hjón úr Breiðholtinu að passa barnaskarann. Við sögðum engum frá þessu, en þetta spurðist út. Og ég segi það núna að ég hefði frekar viljað fá Beckham í heimsókn á staðinn heldur en Bretaprins. Það er öllum vel við Beckham úti um allan heim og allir vilja tengjast honum.“ Í þættinum fara Sölvi og Tommi yfir lygilegan feril Tómasar, sem spannar allt frá 22 króna hamborgurum á Tommaborgurum yfir í eignarhald á Hard Rock, Búllunni í London og ótal fleiri hluti. Podcast með Sölva Tryggva Mest lesið Sama hvað öllum finnst, nema mömmu og pabba Tónlist Sat uppi með útgáfu af sjálfri sér sem hún kunni ekki við Lífið Fréttatía vikunnar: Play, fiskbúðingur og stjörnuskilnaður Lífið Óöruggur eftir að kærastan stundaði hópkynlíf erlendis Lífið Ungir Sjálfstæðismenn samankomnir á sambandsþingi Lífið Baunar á kókaða söngkonu fyrir baktal Tónlist Freðinn faðir, fáránlegir fasistar og fyrsta flokks bíó Gagnrýni Þessi litla breyting breytti í raun öllu! Lífið samstarf „Rétturinn sem fjölskyldan þín mun elska og biðja um aftur og aftur“ Lífið „Ákvað að skilja hana eftir þar og athuga hversu langt ég kæmist“ Lífið Fleiri fréttir Sat uppi með útgáfu af sjálfri sér sem hún kunni ekki við Ungir Sjálfstæðismenn samankomnir á sambandsþingi Fréttatía vikunnar: Play, fiskbúðingur og stjörnuskilnaður Gerður í Blush hennar helsta fyrirmynd Útbjó lágkolvetna prógram fyrir systur sína sem léttist strax og fékk meiri orku Flugfreyja, íþróttakona og ráðherra breyttu leiknum „Ákvað að skilja hana eftir þar og athuga hversu langt ég kæmist“ „Gætum orðið fyrsta þjóð í heimi til að útrýma leghálskrabbameini“ „Rétturinn sem fjölskyldan þín mun elska og biðja um aftur og aftur“ Keeping Up Appearances-leikkona látin Auðveldara að tengjast fólki í eigin persónu Galopnar sig og segist ætla að breyta hlutunum Heimatilbúið „corny“ Skilin að borði og sæng eftir 28 ára hjónaband Framlag Kenýu til Óskarsverðlaunanna til sýnis á Ísafirði Keith sagður kominn með nýja kærustu Það var bannað að hlæja á Kjarval Eitt rými sem má alls ekki mynda í Alþingishúsinu Centro-hjónin selja Beverly Hills-villuna Ástarsenur í viku tvö með stórleikaranum Segir spjallmenni Meta herja kynferðislega á börn „Rúrik Gíslason hefur sagt hæ við mig“ Jafet Máni selur íbúð með ræktarsal „Þarf ekkert að klífa Everest til að finnast ég einhvers virði“ Ertu sauður? Fimm ráð sem geta forðað þér frá hjarðhegðun Óöruggur eftir að kærastan stundaði hópkynlíf erlendis Samhengið með Sif: „Það má blanda saman hámenningu og dægurmenningu“ Hefðbundið ítalskt „Pesto Alla Genovese“ Úrslitaspurningin var um letigarð „Amma mín, ert þú nokkuð dáin?“ Sjá meira
Tommi er í mjög góðu líkamlegu formi og hefur æft mjög reglulega í 40 ár. Hann þakkar Bubba Morthens fyrir það. „Þegar ég fór á Rokk-showið á Broadway 1981 og sá Bubba beran að ofan varð vendipunktur. Hann hljóp um sviðið allur skorinn og vöðvastæltur. Ég fer heim, á þeim tíma þegar ég bjó á skrifstofunni á Tommaborgurum og horfði í spegilinn og mig langaði að fara að gráta. Ég var svo illa á mig kominn. Þarna byrjaði ég að æfa. Skömmu síðar var ég kominn til Kaliforníu og þá æfði ég í Gold´s Gym eftir að Pumping Iron með Arnold Schwarzenegger. Ég hef æft mjög reglulega alveg síðan. Ef að Bubbi hefði ekki verið þarna ber að ofan hefði ég ekki fengið þessa bakteríu og ég hef oft þakkað Bubba fyrir að ég hafi haldið mér í góðu formi í öll þessi ár.“ Þó að Tommi hafi í gegnum tíðina afrekað ótrúlega hluti var leiðin alls ekki alltaf slétt og felld og Tommi segist hafa verið nálægt því að glata öllum sínum tækifærum vegna drykkju. Komst upp með að drekka „Ég byrjaði mjög snemma að drekka, þegar ég var 13 ára gamall og þá opnuðust himnarnir eina ferðina enn. Ég drakk alltaf til að vera fullur og það fór mér illa að drekka. En ég fór að læra kokkinn og maður komst upp með að drekka þar. Ég hætti svo, en byrjaði aftur og þegar ég kom heim frá Bandaríkjunum átti ég erfitt með að fá vinnu af því að það hafði spurst út að ég væri drykkfelldur. En ég hætti ekki, en var svo heppinn að þáverandi konan mín sagði við á einhverjum punkti. Annað hvort hættir þú að drekka vinur eða ég skil við þig. Það er engin lygi að mig langaði mest að skilja við hana og halda áfram að drekka, en ég vildi ekki tapa djobbinu, þannig að ég tók mig til og drakk ekkert í 3 ár og það var dásamlegur tími. Þessi ár, sem voru í Grindavík, voru á margan hátt mín skemmtilegustu og bestu ár.“ Tommi hafði rekið Hard Rock Cafe, Hótel borg og marga fleiri staði þegar hann hugðist fara að setjast í helgan stein upp úr aldamótum, en áttaði sig fljótt á því að staðan væri ekki alveg nógu góð. „Ég seldi Borgina 2001 og hélt ég gæti borgað skuldir mínar og átt afgang og farið að hugsa til þess að verða grand old man, en ég skuldaði meira en ég hélt og átti minna en ég átti von á og var miklu blankari en ég hélt. Ég notaði alltaf tvo eyrnapinna eftir sturtu á morgnana, en ég var orðinn svo blankur þarna að ég tímdi bara að nota einn. En það sem vakti mig til lífsins var þegar ég þurfti að kaupa fyrirframgreitt simkort árið 2003. Ég þurfti að fara inn á 3 bankareikninga til að skrapa saman 500 kall. Þá áttaði ég mig á því að ég yrði að gera eitthvað í mínum málum. Þetta var í raun upphafið að því að ég stofnaði Búlluna. Þetta var þvílíkt sjokk og niðurlæging. Að Tommi á Hard Rock og Borginni ætti ekki einu sinni 500 kall til að setja inn á símann sinn. En þegar hugmyndin kom um að fara aftur að steikja hamborgara fannst mér það nánast niðurlægjandi. Það var tímabil sem átti að vera búið. En svo fór fólk að tala um það að Tommi væri aftur að byrja með hamborgarastað og smám saman sá ég að það gæti verið besti kosturinn í stöðunni.“ Leigðu staðinn nokkrum sinnum Eins og þekkt er orðið gekk Hamborgarabúllan strax mjög vel og áður en langt um leið var búið að opna Búlluna í London og þar varð fljótt mikið að gera líka. „Einn daginn sáum við það svo að David Beckham var mættur á staðinn til að fá sér hamborgara. Hann var bara í úlpu með sixpensara og strákinn sinn með sér og allt í einu tekur einhver eftir því að hann er þarna og það er fólk sem biður um myndir af sér með honum og þá eigum við myndir af honum inni á staðnum og svo kom hann nokkrum sinnum eftir þetta. Svo opnuðum við á King´s Road og ég veit ekki hvernig á því stóð að þau hjónin leigðu þann stað tvisvar sinnum til að halda afmælisveislu fyrir börnin sín. Þau voru bara þarna eins og hjón úr Breiðholtinu að passa barnaskarann. Við sögðum engum frá þessu, en þetta spurðist út. Og ég segi það núna að ég hefði frekar viljað fá Beckham í heimsókn á staðinn heldur en Bretaprins. Það er öllum vel við Beckham úti um allan heim og allir vilja tengjast honum.“ Í þættinum fara Sölvi og Tommi yfir lygilegan feril Tómasar, sem spannar allt frá 22 króna hamborgurum á Tommaborgurum yfir í eignarhald á Hard Rock, Búllunni í London og ótal fleiri hluti.
Podcast með Sölva Tryggva Mest lesið Sama hvað öllum finnst, nema mömmu og pabba Tónlist Sat uppi með útgáfu af sjálfri sér sem hún kunni ekki við Lífið Fréttatía vikunnar: Play, fiskbúðingur og stjörnuskilnaður Lífið Óöruggur eftir að kærastan stundaði hópkynlíf erlendis Lífið Ungir Sjálfstæðismenn samankomnir á sambandsþingi Lífið Baunar á kókaða söngkonu fyrir baktal Tónlist Freðinn faðir, fáránlegir fasistar og fyrsta flokks bíó Gagnrýni Þessi litla breyting breytti í raun öllu! Lífið samstarf „Rétturinn sem fjölskyldan þín mun elska og biðja um aftur og aftur“ Lífið „Ákvað að skilja hana eftir þar og athuga hversu langt ég kæmist“ Lífið Fleiri fréttir Sat uppi með útgáfu af sjálfri sér sem hún kunni ekki við Ungir Sjálfstæðismenn samankomnir á sambandsþingi Fréttatía vikunnar: Play, fiskbúðingur og stjörnuskilnaður Gerður í Blush hennar helsta fyrirmynd Útbjó lágkolvetna prógram fyrir systur sína sem léttist strax og fékk meiri orku Flugfreyja, íþróttakona og ráðherra breyttu leiknum „Ákvað að skilja hana eftir þar og athuga hversu langt ég kæmist“ „Gætum orðið fyrsta þjóð í heimi til að útrýma leghálskrabbameini“ „Rétturinn sem fjölskyldan þín mun elska og biðja um aftur og aftur“ Keeping Up Appearances-leikkona látin Auðveldara að tengjast fólki í eigin persónu Galopnar sig og segist ætla að breyta hlutunum Heimatilbúið „corny“ Skilin að borði og sæng eftir 28 ára hjónaband Framlag Kenýu til Óskarsverðlaunanna til sýnis á Ísafirði Keith sagður kominn með nýja kærustu Það var bannað að hlæja á Kjarval Eitt rými sem má alls ekki mynda í Alþingishúsinu Centro-hjónin selja Beverly Hills-villuna Ástarsenur í viku tvö með stórleikaranum Segir spjallmenni Meta herja kynferðislega á börn „Rúrik Gíslason hefur sagt hæ við mig“ Jafet Máni selur íbúð með ræktarsal „Þarf ekkert að klífa Everest til að finnast ég einhvers virði“ Ertu sauður? Fimm ráð sem geta forðað þér frá hjarðhegðun Óöruggur eftir að kærastan stundaði hópkynlíf erlendis Samhengið með Sif: „Það má blanda saman hámenningu og dægurmenningu“ Hefðbundið ítalskt „Pesto Alla Genovese“ Úrslitaspurningin var um letigarð „Amma mín, ert þú nokkuð dáin?“ Sjá meira