Innlent

Versta brekkan orðin breiður göngustígur

Kristján Már Unnarsson skrifar
Grafa frá Gísla Grétari Sigurðssyni mótaði göngustíginn um gilið í gær. Borgarfjall fyrir miðri mynd. Nátthagi til vinstri. Nátthagakriki er hins vegar hægra megin undir Borgarfjalli. Efst til hægri sést í Suðurstrandarveg þar sem upphaf gönguleiðarinnar er núna. 
Grafa frá Gísla Grétari Sigurðssyni mótaði göngustíginn um gilið í gær. Borgarfjall fyrir miðri mynd. Nátthagi til vinstri. Nátthagakriki er hins vegar hægra megin undir Borgarfjalli. Efst til hægri sést í Suðurstrandarveg þar sem upphaf gönguleiðarinnar er núna.  Egill Aðalsteinsson

Aðalgönguleiðin að gosstöðvunum í Fagradalsfjalli, svokölluð A-leið, er núna orðin mun greiðfærari og hættuminni en áður. Leiðin var lokuð í gær meðan unnið var að framkvæmdum en opnuð á ný í gærkvöldi.

„Með þessum lagfæringum þarna er búið að taka af langhættulegasta staðinn á leiðinni upp að eldgosinu,“ sagði Fannar Jónasson, bæjarstjóri Grindavíkur, en myndir af stígagerðinni voru sýndar í fréttum Stöðvar 2.

Fannar Jónasson, bæjarstjóri Grindavíkur. Viðtalið var tekið við Suðurstrandarveg á þeim stað þar sem talið er að hraun muni fyrst fara yfir, nái það á annað borð að renna niður Nátthaga.Egill Aðalsteinsson

Hann vísar til endurbóta á gönguleiðinni um bratta brekku sem liggur upp frá Nátthagakrika við norðanvert Borgarfell og upp á Fagradalsfjall sunnan Geldingadala. Fyrir síðustu helgi var breiður stígur skorinn í neðri hluta brekkunnar með þægilegum gönguhalla og í gærkvöldi var svo lokið við að skera samskonar stíg í efri hluta brekkunnar, sem liggur um gil.

Erlendir ferðamenn gengu nýja stíginn í gær meðan enn var verið að vinna í honum.Egill Aðalsteinsson

„Það hafa orðið meiðsl þarna og beinbrot jafnvel,“ sagði Fannar bæjarstjóri.

„Tvö og þrjú ökklabrot á dag, - eða mjög slæm slys, þannig séð. Þá er þetta bara slysavarnamál að koma þessu í lag,“ sagði Jón Haukur Steingrímsson, jarðverkfræðingur hjá Verkfræðistofunni Eflu, í viðtali á Stöð 2 fyrr í vikunni en hann hefur komið að endurbótum á gönguleiðinni.

Nýi stígurinn í neðri hluta brekkunnar var lagður fyrir síðustu helgi. Áður fengu margir byltu við að klöngrast niður skriðuna vinstra megin. Efst til vinstri má sjá staðinn þar sem kaðallinn var áður.KMU

Upphaflega var kaðall settur upp á erfiðasta hluta A-leiðarinnar til að hjálpa göngufólki að fara um mesta brattann. Leiðinni var síðar breytt og hún látin liggja um gil örlítið austar. Nýjasti stígurinn liggur einmitt um það gil og er hann það breiður að björgunarsveitarmenn gátu í gærkvöldi ekið jeppa um hann alla leið upp á fjallið.

Framkvæmdasjóður ferðamannastaða kostar gerð stíganna. Verkið annast landeigendur Hrauns, sem eru jarðvinnuverktakar.

Fjallað var um nýja stíginn og stöðuna á eldgosinu í beinni útsendingu í fréttum Stöðvar 2, sem sjá má hér:

Hér má sjá ítarlegra viðtal við bæjarstjórann:

Eldgos í Fagradalsfjalli Ferðamennska á Íslandi Grindavík Almannavarnir Björgunarsveitir

Tengdar fréttir

Bætt aðgengi kom sér vel við björgun slasaðrar konu

Sjúkraflutningamenn og björgunarsveitarfólk komu konu til aðstoðar sem slasaðist á gossvæðinu við Fagradalsfjall á tíunda tímanum í kvöld. Bætt aðgengi varð til þess að hægt var að koma konunni til aðstoðar á skömmum tíma.

Telja varnar­garða ekki mega bíða lengi

Fannar Jónasson bæjarstjóri Grindavíkur segir áhyggjuefni ef hrauntaumur rennur niður í Nátthaga og heldur þaðan áfram í átt að Suðurstrandarvegi. Bæjarráð Grindavíkur ályktaði í síðustu viku um það að gera þyrfti allt sem mögulegt væri til þess að hefta framrás hraunsins niður í Nátthaga og hefur nú þegar verið ráðist í hönnun á þess til gerðum mannvirkjum.

Brennheitt gjallið kveikir gróðurelda fjarri gígnum

Glóandi gjall, sem þeytist hátt til himins úr eldgígnum á Fagradalsfjalli, hefur náð að kveikja gróðurelda í yfir eins kílómetra fjarlægð og var gossvæðið af þeim sökum lokað í dag. Kapp er nú lagt á bæta göngustíginn vegna tíðra slysa, með tveimur til þremur ökklabrotum á dag.

Hérna vilja Almannavarnir ekki missa hraunið lengra

Eldgosið í Fagradalsfjalli er núna tvöfalt öflugra en það hefur lengst af verið, samkvæmt nýjum mælingum Jarðvísindastofnunar. Almannavarnir eru í viðbragðsstöðu með að láta ryðja upp varnargörðum til að hindra að hraunrennsli fari í Nátthaga og ógni þar með Suðurstrandarvegi.

Kostnaður ríkisins við uppbyggingu kringum Fagradalsfjall um 40 milljónir

Búist er við að framkvæmdir við eldgosið í Fagradalsfjalli hefjist í vikunni að sögn ferðamálastjóra. Ríkið leggi nú þegar til 40 milljónir króna til verkefna þar og landeigendur greiði fyrir framkvæmdir á bílastæðum og salernisaðstöðu. Gert er ráð fyrir að gjald verði tekið fyrir bílastæði á svæðinu.

Mest lesið


Fleiri fréttir

Sjá meira


×

Mest lesið