Inn­lit á nýtt heimili Siggu Beinteins

Söngkonan er handlagin og smíðaði eigin rúmgafl með flottri lýsingu og hún ætlar líka að veggfóðra svefnherbergið sitt.

Vala Matt fór í innlit til Siggu í þættinum Ísland í dag og fékk að heyra um þær framkvæmdir sem Sigga hefur þegar ráðist í. Svo mun hún fara aftur og sjá endanlegan árangur breytinganna. Fyrir rúmið í nýja húsinu gerði Sigga rúmgafl úr hljóðdempandi plötum með viðarpanel.  

„Ég setti lýsingu í kringum og það gefur mjög mikla hlýju og mér finnst það mjög smart.“

Næsta verkefni er svo að setja veggfóður á einn vegg í svefnherberginu.

„Mig langar að fá inn í svefnherbergið svona kósý stemningu, svolítið hlýlega eins og hótelherbergi eða eitthvað svoleiðis hlýleika inn í herbergið. Þannig að manni líði alltaf vel þegar maður kemur inn í herbergið og ætlar að fara að sofa, það róar þig.“

Sigga hefur nú þegar látið pússa upp parketið og ætlar einnig að sprauta og filma eldhúsinnréttinguna og margt fleira.

Innslagið má sjá í spilaranum hér fyrir neðan. Í þættinum skoðaði Vala Matt einnig skemmtilega málaðan vegg hjá listakonunni Áslaugu Snorradóttur sem barnabarnið hennar Alba málaði með blómum.