Heims- og Evrópumethafinn Helgi leggur spjótið á hilluna Runólfur Trausti Þórhallsson skrifar 24. júní 2021 22:00 Helgi Sveinsson hefur kastað sínu síðasta spjóti. Vísir Helgi Sveinsson heimsmethafi í spjótkasti hefur ákveðið að láta staðar numið sem afreksíþróttamaður. Frá þessu er greint á vefnum Hvata, tímariti Íþróttasambands fatlaðra. Helgi starfar í dag fyrir Össur en hann hefur í áraraðir notað vörur fyrirtækisins eftir að hafa lent í slæmum veikindum fyrir rúmum tuttugu árum síðan. Helgi fer yfir víðan völl í viðtalinu sem má finna í heild sinni á vef Hvata. „Ég fann að minn tími var kominn. Ég var aumur alls staðar í líkamanum og þegar maður er fastur í því ástandi þá er erfitt að finna hvatninguna til að koma sér af stað á ný. Spjótkastið er þannig íþrótt að það er enginn afsláttur í boði. Þú þarft að vera 100 prósent til að geta staðist þessi átök,“ sagði Helgi í viðtalinu. „Ég hefði getað haldið áfram en þá hefði ég þurft að einbeita mér algerlega að íþróttinni. Ég þarf að sinna mörgu og þá hef ég sett íþróttina meira til hliðar. Ef ég ætlaði mér að ná árangri þá myndi ég vilja hafa íþróttina númer eitt. Minn tími var kominn,“ bætti hann við. „Þegar maður veit ekkert þá getur maður hins vegar ekki skipulagt sig. Hjá mér hefur það alltaf verið þannig að ég hef sett mér einhvers konar keppnismarkmið, til dæmis út frá stórmótum. En hef einnig verið með lítil markmið en í fyrra gat ég ekki sett mér nein markmið,“ sagði Helgi um áhrif kórónuveirunnar á feril sinn í íþróttum. „Ég hef gefið það út og látið vita af því á skrifstofu Íþróttasambands fatlaðra að ég er tilbúinn til að miðla þeirri reynslu og vitneskju sem ég hef öðlast á mínum ferli. Ég tel mig hafa fullt fram að færa. Sjálfur hef ég rekið mig á marga veggi sem maður þarf ekki endilega að reka sig á. Ef áhugi er fyrir því að nýta sér það þá er ég opinn fyrir því. Ég fylgist með öllu íþróttafólkinu þótt ég sé ekki alltaf á svæðinu.“ Heimsmeistaratitilinn stendur upp úr „Mér þykir mest vænt um heimsmeistaratitilinn árið 2013 vegna þess að ég tryggði mér sigurinn í síðasta kastinu og vann með níu sentimetra mun. Fyrir mig var þetta stórt augnablik og eftir þetta vissi ég að ég gæti látið ljós mitt skína. Ég fann einfaldlega að þarna steig ég yfir stóra hindrun en sá jafnframt fyrir mér að ég yrði bara betri og betri því ég ætti enn helling inni.“ „Síðar á ferlinum setti ég heimsmet í fyrsta skipti og bætti þá met sem hafði staðið mjög lengi, líklega hátt í fimmtán ár. Fyrir mér stendur þetta tvennt upp úr.“ Paralympics ótrúlegt dæmi Helgi ætlaði að taka þátt í Paralympics sem fram fer í Tókýó í sumar en upphaflega átti mótið að fara fram fyrir ári. Hann fór hins vegar tvívegis á mótið, í Londón árið 2012 og í Ríó fjórum árum síðar. „Stefnan var alltaf að vera með í Tókýó og hætta eftir það. Árið 2012 kom ég inn í þetta í London og var gersamlega dolfallinn yfir því enda hafði maður horft á Ólympíuleika í sjónvarpi frá því ég var gutti. Þarna hef ég alltaf viljað vera og þetta var á vissan hátt svolítið yfirþyrmandi.“ „Í íslenska hópnum talaði fólk um sem hafði farið á marga leika að Paralympics í London væru þeir flottustu hingað til. Ég kom inn í það umhverfi og sá það flottasta sem var svo ekki raunin í Brasilíu árið 2016. Þar var myndavélunum vísað í þá átt sem menn vildu en ekki sást það sem var bak við myndavélarnar.“ „Hvað varðar keppnina sjálfa þá er Paralympics alveg ótrúlegt dæmi. Að sjá alla þessa einstaklinga sem hafa lagt mikið á sig til að komast á þennan stað. Þegar ég kom á mitt fyrsta stórmót þá fannst mér ekki vera mikið að mér. Mér fannst ég ekki vera að glíma við mikla fötlun miðað við hversu mikið fatlaðir einstaklingar eru að keppa á fullu. Ég mæli með því fyrir alla að upplifa Paralympics alla vega einu sinni. Maður fyllist aðdáun yfir því að sjá hvað fólk er í raun og veru öflugt. Það er með ólíkindum, sagði Helgi Sveinsson að lokum. Frjálsar íþróttir Mest lesið Segir að eitrað hafi verið fyrir leikmönnum liðsins Fótbolti Má ekki koma inn í íþróttahús í tíu mánuði Körfubolti Hulda Elma vann Hengil Ultra á brautarmeti Sport Taiwo Badmus staðfestur hjá Stólunum: „Ég er kominn heim“ Körfubolti Snýr aftur til Íslands betri en nokkru sinni áður Körfubolti Liverpool hækkar tilboð sitt Enski boltinn „Vandræðalegt að fá krampa í bæði læri eftir sextíu mínútur“ Fótbolti Gummi Ben fékk gullmerki Þórs afhent á Spáni Íslenski boltinn „Þakklátur fyrir að konan sé tilbúin að leyfa mér að upplifa þetta“ Körfubolti Anníe Mist kynnir bók sem tók fjögur ár að skrifa: Bæði stressuð og spennt Sport Fleiri fréttir „Þetta var allt eftir handriti“ Í beinni: Þróttur - Þór/KA | Þungt próf fyrir eina taplausa liðið Leik lokið: Breiðablik-FHL 6-0 | Sex Blikakonur á skotskónum Katla á skotskónum í fimmta sigrinum í röð Leik lokið: Fram - Stjarnan 3-1 | Framrar sannfærandi Leik lokið: Víkingur-FH 1-4 | Eintóm hamingja hjá FH-konum í Víkinni Haaland: Ég mun spila bæði á HM og á EM Arnór Atla valinn þjálfari ársins FIFA enn á ný með hendurnar í olíupeningunum Gummi Ben fékk gullmerki Þórs afhent á Spáni Strákarnir hans Arnórs fara í oddaleik um bronsið Blómstra á meðan Valskonur eru sögulega slakar Ófárir Íslendingaliðsins halda áfram Liverpool hækkar tilboð sitt Man. United gat ekki neitt en græddi samt meiri pening Framlengja við markahæsta manninn sinn KA ræður manninn sem gerði KA/Þór að Íslandsmeisturum Leikmenn Tottenham sagðir öskuillir og í uppreisnarhug eftir brottrekstur Ange Lið í tyrknesku úrvalsdeildinni búið að kaupa Loga Segir að eitrað hafi verið fyrir leikmönnum liðsins Lárus Orri fann ekki til með markverði Skota Taiwo Badmus staðfestur hjá Stólunum: „Ég er kominn heim“ Gunnlaugur átti frábæran dag á Arnold Palmer Cup Hulda Elma vann Hengil Ultra á brautarmeti Anníe Mist kynnir bók sem tók fjögur ár að skrifa: Bæði stressuð og spennt Fór í tvo kollhnísa við marklínuna en fagnaði samt sigri Tvíburasystir vonarstjörnu lést Snýr aftur til Íslands betri en nokkru sinni áður Má ekki koma inn í íþróttahús í tíu mánuði Dagskráin: Besta deild kvenna og enska landsliðið í undankeppni HM Sjá meira
Helgi starfar í dag fyrir Össur en hann hefur í áraraðir notað vörur fyrirtækisins eftir að hafa lent í slæmum veikindum fyrir rúmum tuttugu árum síðan. Helgi fer yfir víðan völl í viðtalinu sem má finna í heild sinni á vef Hvata. „Ég fann að minn tími var kominn. Ég var aumur alls staðar í líkamanum og þegar maður er fastur í því ástandi þá er erfitt að finna hvatninguna til að koma sér af stað á ný. Spjótkastið er þannig íþrótt að það er enginn afsláttur í boði. Þú þarft að vera 100 prósent til að geta staðist þessi átök,“ sagði Helgi í viðtalinu. „Ég hefði getað haldið áfram en þá hefði ég þurft að einbeita mér algerlega að íþróttinni. Ég þarf að sinna mörgu og þá hef ég sett íþróttina meira til hliðar. Ef ég ætlaði mér að ná árangri þá myndi ég vilja hafa íþróttina númer eitt. Minn tími var kominn,“ bætti hann við. „Þegar maður veit ekkert þá getur maður hins vegar ekki skipulagt sig. Hjá mér hefur það alltaf verið þannig að ég hef sett mér einhvers konar keppnismarkmið, til dæmis út frá stórmótum. En hef einnig verið með lítil markmið en í fyrra gat ég ekki sett mér nein markmið,“ sagði Helgi um áhrif kórónuveirunnar á feril sinn í íþróttum. „Ég hef gefið það út og látið vita af því á skrifstofu Íþróttasambands fatlaðra að ég er tilbúinn til að miðla þeirri reynslu og vitneskju sem ég hef öðlast á mínum ferli. Ég tel mig hafa fullt fram að færa. Sjálfur hef ég rekið mig á marga veggi sem maður þarf ekki endilega að reka sig á. Ef áhugi er fyrir því að nýta sér það þá er ég opinn fyrir því. Ég fylgist með öllu íþróttafólkinu þótt ég sé ekki alltaf á svæðinu.“ Heimsmeistaratitilinn stendur upp úr „Mér þykir mest vænt um heimsmeistaratitilinn árið 2013 vegna þess að ég tryggði mér sigurinn í síðasta kastinu og vann með níu sentimetra mun. Fyrir mig var þetta stórt augnablik og eftir þetta vissi ég að ég gæti látið ljós mitt skína. Ég fann einfaldlega að þarna steig ég yfir stóra hindrun en sá jafnframt fyrir mér að ég yrði bara betri og betri því ég ætti enn helling inni.“ „Síðar á ferlinum setti ég heimsmet í fyrsta skipti og bætti þá met sem hafði staðið mjög lengi, líklega hátt í fimmtán ár. Fyrir mér stendur þetta tvennt upp úr.“ Paralympics ótrúlegt dæmi Helgi ætlaði að taka þátt í Paralympics sem fram fer í Tókýó í sumar en upphaflega átti mótið að fara fram fyrir ári. Hann fór hins vegar tvívegis á mótið, í Londón árið 2012 og í Ríó fjórum árum síðar. „Stefnan var alltaf að vera með í Tókýó og hætta eftir það. Árið 2012 kom ég inn í þetta í London og var gersamlega dolfallinn yfir því enda hafði maður horft á Ólympíuleika í sjónvarpi frá því ég var gutti. Þarna hef ég alltaf viljað vera og þetta var á vissan hátt svolítið yfirþyrmandi.“ „Í íslenska hópnum talaði fólk um sem hafði farið á marga leika að Paralympics í London væru þeir flottustu hingað til. Ég kom inn í það umhverfi og sá það flottasta sem var svo ekki raunin í Brasilíu árið 2016. Þar var myndavélunum vísað í þá átt sem menn vildu en ekki sást það sem var bak við myndavélarnar.“ „Hvað varðar keppnina sjálfa þá er Paralympics alveg ótrúlegt dæmi. Að sjá alla þessa einstaklinga sem hafa lagt mikið á sig til að komast á þennan stað. Þegar ég kom á mitt fyrsta stórmót þá fannst mér ekki vera mikið að mér. Mér fannst ég ekki vera að glíma við mikla fötlun miðað við hversu mikið fatlaðir einstaklingar eru að keppa á fullu. Ég mæli með því fyrir alla að upplifa Paralympics alla vega einu sinni. Maður fyllist aðdáun yfir því að sjá hvað fólk er í raun og veru öflugt. Það er með ólíkindum, sagði Helgi Sveinsson að lokum.
Frjálsar íþróttir Mest lesið Segir að eitrað hafi verið fyrir leikmönnum liðsins Fótbolti Má ekki koma inn í íþróttahús í tíu mánuði Körfubolti Hulda Elma vann Hengil Ultra á brautarmeti Sport Taiwo Badmus staðfestur hjá Stólunum: „Ég er kominn heim“ Körfubolti Snýr aftur til Íslands betri en nokkru sinni áður Körfubolti Liverpool hækkar tilboð sitt Enski boltinn „Vandræðalegt að fá krampa í bæði læri eftir sextíu mínútur“ Fótbolti Gummi Ben fékk gullmerki Þórs afhent á Spáni Íslenski boltinn „Þakklátur fyrir að konan sé tilbúin að leyfa mér að upplifa þetta“ Körfubolti Anníe Mist kynnir bók sem tók fjögur ár að skrifa: Bæði stressuð og spennt Sport Fleiri fréttir „Þetta var allt eftir handriti“ Í beinni: Þróttur - Þór/KA | Þungt próf fyrir eina taplausa liðið Leik lokið: Breiðablik-FHL 6-0 | Sex Blikakonur á skotskónum Katla á skotskónum í fimmta sigrinum í röð Leik lokið: Fram - Stjarnan 3-1 | Framrar sannfærandi Leik lokið: Víkingur-FH 1-4 | Eintóm hamingja hjá FH-konum í Víkinni Haaland: Ég mun spila bæði á HM og á EM Arnór Atla valinn þjálfari ársins FIFA enn á ný með hendurnar í olíupeningunum Gummi Ben fékk gullmerki Þórs afhent á Spáni Strákarnir hans Arnórs fara í oddaleik um bronsið Blómstra á meðan Valskonur eru sögulega slakar Ófárir Íslendingaliðsins halda áfram Liverpool hækkar tilboð sitt Man. United gat ekki neitt en græddi samt meiri pening Framlengja við markahæsta manninn sinn KA ræður manninn sem gerði KA/Þór að Íslandsmeisturum Leikmenn Tottenham sagðir öskuillir og í uppreisnarhug eftir brottrekstur Ange Lið í tyrknesku úrvalsdeildinni búið að kaupa Loga Segir að eitrað hafi verið fyrir leikmönnum liðsins Lárus Orri fann ekki til með markverði Skota Taiwo Badmus staðfestur hjá Stólunum: „Ég er kominn heim“ Gunnlaugur átti frábæran dag á Arnold Palmer Cup Hulda Elma vann Hengil Ultra á brautarmeti Anníe Mist kynnir bók sem tók fjögur ár að skrifa: Bæði stressuð og spennt Fór í tvo kollhnísa við marklínuna en fagnaði samt sigri Tvíburasystir vonarstjörnu lést Snýr aftur til Íslands betri en nokkru sinni áður Má ekki koma inn í íþróttahús í tíu mánuði Dagskráin: Besta deild kvenna og enska landsliðið í undankeppni HM Sjá meira