15 laxar við opnun Stóru Laxár I-II

Það er yfirleitt þannig að svæði IV getur opnað vel og svæði I-II fer yfirleitt í gang nokkuð seinna en eftir fyrsta dag voru komnir 15 laxar á land eftir því sem við best vitum og verður það að teljast prýðileg opnun á ánni.  Lax sást víða og veiddist á hefðbundnum stöðum eins og Bergsnös en þar veiddust þrír laxar sem og í Kálfhagahyl sem er loksins kominn inn aftur. Stuðlastrengir voru þó gjöfulastir en þar veiddust sjö laxar.  Það verður spennandi að fylgjast með næstu dögum í Stóru Laxá en eins og veiðimenn vita er búið að kaupa stórann hluta af netum úr Hvítá upp svo fleiri laxar eiga nú möguleika á að rata í ánna sína en ekki flækjast í netum.