Dæmdur í þriggja ára fangelsi fyrir stórfellt fíkniefnasmygl Hallgerður Kolbrún E. Jónsdóttir skrifar 2. júlí 2021 20:58 Rahmi stóð að innflutningi 4.832,5 gramma af hassi, 5.087 stykkja af MDMA, 100 stykkja af LSD og 255,84 grömmum af metamfetamíni til landsins. Vísir Mohamed Hicham Rahmi var á miðvikudag dæmdur í þriggja ára fangelsi fyrir stórfellt fíkniefnalagabrot. Hann var dæmdur fyrir að hafa í desember á síðasta ári staðið að skipulagningu og fjármögnun á innflutningi 4.832,5 gramma af hassi, 5.087 stykkjum af MDMA, 100 stykkjum af LSD og 255,84 grömmum af metamfetamíni til landsins. Ætlunin var að koma efnunum í sölu hér á landi í gróðraskyni og tóku þrír þátt í að flytja efnið til landsins í tveimur ferðum. Þetta kemur fram í dómi Héraðsdóms Reykjaness. Laugardaginn 19. desember hófst innflutningurinn og flutti þá einn þessara þriggja aðila inn rúmlega 4.800 grömm af hassi, stykkin 5.087 af MDMA og 100 stykki af LSD en fíkniefnin flutti hún til landsins sem farþegi með flugi frá Amsterdam með millilendingu í Stokkhólmi í Svíþjóð. Efnin fundust í ferðatösku sem hún hafði meðferðis við komuna til Íslands. Hún hafði falið efnin annars vegar í jólapökkum, en þar var hassið falið, og í lofttæmdum umbúðum sem saumaðar höfðu verið inn í úlpu. Í þeim umbúðum voru MDMA töflur og LSD. Við skýrslutöku hjá lögreglu greindi hún frá því að hún hafi kynnst manni í Sevilla á Spáni fyrir nokkrum árum og verið í sambandi við hann síðan þá. Lét hana fá jólapakka og úlpu til að flytja heim Nokkrum vikum áður en hún ferðaðist til Íslands í desember 2020 hafi hún heimsótt hann í Amsterdam og ætlunin var að þau, ásamt vinkonu konunnar, ferðuðust saman til Íslands. Hún þekkti manninn undir nafninu Moha Moreno, en það hét hann á Instagram. Hann hafði hins vegar veikst fyrir heimförina og ákváðu þau þá að hún færi ein til landsins en vinkonan yrði eftir hjá Moha í Amsterdam. Að morgni 19. desember hafi Moha komið á hótelið sem hún var á í Amsterdam og skipt um tösku við hana og sett úlpu í töskuna sem hún hafi farið með í flugið. Í töskunni hafi einnig verið jólapakkar. Moha hafi sagt henni það að úlpan væri fyrir vin hans á Íslandi. Hann hafi síðan fylgt henni upp á flugvöll og innritað töskuna hennar en hún hafi ekki vitað að fíkniefni væru í töskunni. Faldi efni í dömubindi Daginn eftir, sunnudaginn 20. desember, fluttu hinir tveir aðilarnir samtals 255,84 grömm af metamfetamíni til landsins sem farþegar með flugi frá Kaupmannahöfn. Efnin fundust falin innvortis og í dömubindi í nærfötum annars einstaklingsins við komuna til landsins. Grunur var uppi hjá lögreglu um að parið tengdist konunni sem komið hafði til landsins daginn áður og voru þau því handtekin og flutt á lögreglustöð. Við líkamsleit fundust fíkniefni í nærbuxum konunnar og hún framvísaði smokki, sem í voru fíkniefni, sem hún hafði geymt í leggöngum sínum. Í smokknum voru 255,84 grömm af metamfetamíni. Greindi hún frá því að ferðafélagi hennar hafi neytt hana til að flytja efnin til landsins en þau hafi kynnst um mánuði áður í gegn um Facebook. Þau hafi ferðast saman frá Spáni til Kaupmannahafnar þar sem maðurinn hafi undirbúið flutning fíkniefnanna. Hann hafi síðan neytt hana til að flytja efnin til Íslands og hótað að meiða barn hennar færi hún ekki eftir fyrirmælum. Áttu að fá 3.000 evrur fyrir ómakið Maðurinn greindi frá því í samtali við lögreglu að hann og konan, ferðafélagi hans, væru í sambandi. Maður að nafni Moha, sem hafði búið á Íslandi, hafi látið hann hafa pening og skipulagt ferðina til Íslands. Moha hafi skipulagt og fjármagnað ferðina og þau hafi átt að fá þrjú þúsund evrur fyrir ómakið. Þá greindi hann frá því að Moha hafi stundað fíkniefnainnflutning í nokkur ár og að hann væri oft búinn að biðja sig um að finna stúlkur til að flytja inn fíkniefni. Öll þrjú hafa þegar verið dæmd hér á landi fyrir smyglið. Fyrsta konan, sem ferðaðist frá Amsterdam, var dæmd í sex mánaða fangelsi, hin konan í 18 mánaða fangelsi en maðurinn í tveggja ára fangelsi fyrir innflutninginn. Dómunum var ekki áfrýjað. Moha, eða Mohamed Hicham Rahmi, hefur neitað allri sök í málinu og kvaðst í skýrslutöku fyrir dómi að hann hafi hvorki skipulagt né fjármagnað innflutning á fíkniefnum til Íslands. Þá kvaðst hann ekki þekkja konuna sem hitti hann í Amsterdam. Hann þekkti þó manninn, þeir hafi kynnst þegar þeir bjuggu báðir á Íslandi. Hann kvaðst þá ekki hafa beðið manninn um að útvega sér stúlkur til að flytja fíkniefni til landsins. Dómsmál Fíkniefnabrot Smygl Mest lesið Skvísur geti virkað sem hálfgerðir þroskaþjófar Innlent Ráðgjafinn ráðinn í tímabundið starf eftir dýra skreppitúra Innlent Heitavatnslaust á Suðurnesjum og rafmagnslaust víða um land Innlent Skreppiferðir í Jysk meðal þess sem ráðgjafi rukkaði fyrir Innlent Réttað yfir tíu sem segja frönsku forsetafrúna vera karlmann Erlent Hljóp út í örvæntingu „með lífið í poka“ Erlent Misvægi atkvæða bitnar mest á Kraganum Innlent „Ég tel ekki tilefni til að íhuga stöðu mína“ Innlent Útlit fyrir mestu snjókomu í október í manna minnum Innlent Erfitt að segja til um viðbrögð við nýjum faraldri miðað við Covid-viðbrögð Innlent Fleiri fréttir Skvísur geti virkað sem hálfgerðir þroskaþjófar Ráðgjafinn ráðinn í tímabundið starf eftir dýra skreppitúra Misvægi atkvæða bitnar mest á Kraganum Heitavatnslaust á Suðurnesjum og rafmagnslaust víða um land Skreppiferðir í Jysk meðal þess sem ráðgjafi rukkaði fyrir „Ég tel ekki tilefni til að íhuga stöðu mína“ Áhyggjur af lánaframboði og ógnarlangar biðraðir Vara við ferðum á Fagradalsfjall þar sem aðstæður geti orðið hættulegar Kristmundur verður lögreglustjóri á Austurlandi „Vonandi klárast þetta á morgun“ Sá látni var á rjúpnaveiðum þegar hann varð fyrir voðaskotinu Kvartanir mannsins um ómannúðlega meðferð áður til skoðunar hjá NEL Ungi ökumaðurinn á Ísafirði úr lífshættu Nefnd SÞ gegn pyndingum skráir erindi hælisleitenda sem vísað var frá Íslandi Ófremdarástandi lýst: Þrír stjórar í leyfi, einelti og hrun í starfsánægju Bíða í allt að þrjá tíma: „Ætli það sé ekki bara helvítis veðurspáin“ Alger óvissa í lánamálum og margra tíma bið eftir dekkjaskiptum Kláfur á Ísafirði fari í opinbera kynningu Hófu ekki rannsókn á heimilisofbeldi fyrir misskilning Erfitt að segja til um viðbrögð við nýjum faraldri miðað við Covid-viðbrögð Allt að þriggja tíma bið í dekkjaskipti Komu innlyksa mæðginum til bjargar í Landmannalaugum Um 140 umsækjendur um alþjóðlega vernd týndir og eftirlýstir Garðheimar ljósið í myrkrinu við meinta gímaldsgötu Útlit fyrir mestu snjókomu í október í manna minnum Brennu–Njáls saga vekur alltaf lukku í Hvolsskóla Bresk freigáta í Akureyrarhöfn Beittur piparúða í fangaklefa, hótað með rafbyssu og sveltur Beittur piparúða, hótað með rafbyssu og sveltur í fangaklefa Sendiferðabíll í ljósum logum á Reykjanesbraut Sjá meira
Ætlunin var að koma efnunum í sölu hér á landi í gróðraskyni og tóku þrír þátt í að flytja efnið til landsins í tveimur ferðum. Þetta kemur fram í dómi Héraðsdóms Reykjaness. Laugardaginn 19. desember hófst innflutningurinn og flutti þá einn þessara þriggja aðila inn rúmlega 4.800 grömm af hassi, stykkin 5.087 af MDMA og 100 stykki af LSD en fíkniefnin flutti hún til landsins sem farþegi með flugi frá Amsterdam með millilendingu í Stokkhólmi í Svíþjóð. Efnin fundust í ferðatösku sem hún hafði meðferðis við komuna til Íslands. Hún hafði falið efnin annars vegar í jólapökkum, en þar var hassið falið, og í lofttæmdum umbúðum sem saumaðar höfðu verið inn í úlpu. Í þeim umbúðum voru MDMA töflur og LSD. Við skýrslutöku hjá lögreglu greindi hún frá því að hún hafi kynnst manni í Sevilla á Spáni fyrir nokkrum árum og verið í sambandi við hann síðan þá. Lét hana fá jólapakka og úlpu til að flytja heim Nokkrum vikum áður en hún ferðaðist til Íslands í desember 2020 hafi hún heimsótt hann í Amsterdam og ætlunin var að þau, ásamt vinkonu konunnar, ferðuðust saman til Íslands. Hún þekkti manninn undir nafninu Moha Moreno, en það hét hann á Instagram. Hann hafði hins vegar veikst fyrir heimförina og ákváðu þau þá að hún færi ein til landsins en vinkonan yrði eftir hjá Moha í Amsterdam. Að morgni 19. desember hafi Moha komið á hótelið sem hún var á í Amsterdam og skipt um tösku við hana og sett úlpu í töskuna sem hún hafi farið með í flugið. Í töskunni hafi einnig verið jólapakkar. Moha hafi sagt henni það að úlpan væri fyrir vin hans á Íslandi. Hann hafi síðan fylgt henni upp á flugvöll og innritað töskuna hennar en hún hafi ekki vitað að fíkniefni væru í töskunni. Faldi efni í dömubindi Daginn eftir, sunnudaginn 20. desember, fluttu hinir tveir aðilarnir samtals 255,84 grömm af metamfetamíni til landsins sem farþegar með flugi frá Kaupmannahöfn. Efnin fundust falin innvortis og í dömubindi í nærfötum annars einstaklingsins við komuna til landsins. Grunur var uppi hjá lögreglu um að parið tengdist konunni sem komið hafði til landsins daginn áður og voru þau því handtekin og flutt á lögreglustöð. Við líkamsleit fundust fíkniefni í nærbuxum konunnar og hún framvísaði smokki, sem í voru fíkniefni, sem hún hafði geymt í leggöngum sínum. Í smokknum voru 255,84 grömm af metamfetamíni. Greindi hún frá því að ferðafélagi hennar hafi neytt hana til að flytja efnin til landsins en þau hafi kynnst um mánuði áður í gegn um Facebook. Þau hafi ferðast saman frá Spáni til Kaupmannahafnar þar sem maðurinn hafi undirbúið flutning fíkniefnanna. Hann hafi síðan neytt hana til að flytja efnin til Íslands og hótað að meiða barn hennar færi hún ekki eftir fyrirmælum. Áttu að fá 3.000 evrur fyrir ómakið Maðurinn greindi frá því í samtali við lögreglu að hann og konan, ferðafélagi hans, væru í sambandi. Maður að nafni Moha, sem hafði búið á Íslandi, hafi látið hann hafa pening og skipulagt ferðina til Íslands. Moha hafi skipulagt og fjármagnað ferðina og þau hafi átt að fá þrjú þúsund evrur fyrir ómakið. Þá greindi hann frá því að Moha hafi stundað fíkniefnainnflutning í nokkur ár og að hann væri oft búinn að biðja sig um að finna stúlkur til að flytja inn fíkniefni. Öll þrjú hafa þegar verið dæmd hér á landi fyrir smyglið. Fyrsta konan, sem ferðaðist frá Amsterdam, var dæmd í sex mánaða fangelsi, hin konan í 18 mánaða fangelsi en maðurinn í tveggja ára fangelsi fyrir innflutninginn. Dómunum var ekki áfrýjað. Moha, eða Mohamed Hicham Rahmi, hefur neitað allri sök í málinu og kvaðst í skýrslutöku fyrir dómi að hann hafi hvorki skipulagt né fjármagnað innflutning á fíkniefnum til Íslands. Þá kvaðst hann ekki þekkja konuna sem hitti hann í Amsterdam. Hann þekkti þó manninn, þeir hafi kynnst þegar þeir bjuggu báðir á Íslandi. Hann kvaðst þá ekki hafa beðið manninn um að útvega sér stúlkur til að flytja fíkniefni til landsins.
Dómsmál Fíkniefnabrot Smygl Mest lesið Skvísur geti virkað sem hálfgerðir þroskaþjófar Innlent Ráðgjafinn ráðinn í tímabundið starf eftir dýra skreppitúra Innlent Heitavatnslaust á Suðurnesjum og rafmagnslaust víða um land Innlent Skreppiferðir í Jysk meðal þess sem ráðgjafi rukkaði fyrir Innlent Réttað yfir tíu sem segja frönsku forsetafrúna vera karlmann Erlent Hljóp út í örvæntingu „með lífið í poka“ Erlent Misvægi atkvæða bitnar mest á Kraganum Innlent „Ég tel ekki tilefni til að íhuga stöðu mína“ Innlent Útlit fyrir mestu snjókomu í október í manna minnum Innlent Erfitt að segja til um viðbrögð við nýjum faraldri miðað við Covid-viðbrögð Innlent Fleiri fréttir Skvísur geti virkað sem hálfgerðir þroskaþjófar Ráðgjafinn ráðinn í tímabundið starf eftir dýra skreppitúra Misvægi atkvæða bitnar mest á Kraganum Heitavatnslaust á Suðurnesjum og rafmagnslaust víða um land Skreppiferðir í Jysk meðal þess sem ráðgjafi rukkaði fyrir „Ég tel ekki tilefni til að íhuga stöðu mína“ Áhyggjur af lánaframboði og ógnarlangar biðraðir Vara við ferðum á Fagradalsfjall þar sem aðstæður geti orðið hættulegar Kristmundur verður lögreglustjóri á Austurlandi „Vonandi klárast þetta á morgun“ Sá látni var á rjúpnaveiðum þegar hann varð fyrir voðaskotinu Kvartanir mannsins um ómannúðlega meðferð áður til skoðunar hjá NEL Ungi ökumaðurinn á Ísafirði úr lífshættu Nefnd SÞ gegn pyndingum skráir erindi hælisleitenda sem vísað var frá Íslandi Ófremdarástandi lýst: Þrír stjórar í leyfi, einelti og hrun í starfsánægju Bíða í allt að þrjá tíma: „Ætli það sé ekki bara helvítis veðurspáin“ Alger óvissa í lánamálum og margra tíma bið eftir dekkjaskiptum Kláfur á Ísafirði fari í opinbera kynningu Hófu ekki rannsókn á heimilisofbeldi fyrir misskilning Erfitt að segja til um viðbrögð við nýjum faraldri miðað við Covid-viðbrögð Allt að þriggja tíma bið í dekkjaskipti Komu innlyksa mæðginum til bjargar í Landmannalaugum Um 140 umsækjendur um alþjóðlega vernd týndir og eftirlýstir Garðheimar ljósið í myrkrinu við meinta gímaldsgötu Útlit fyrir mestu snjókomu í október í manna minnum Brennu–Njáls saga vekur alltaf lukku í Hvolsskóla Bresk freigáta í Akureyrarhöfn Beittur piparúða í fangaklefa, hótað með rafbyssu og sveltur Beittur piparúða, hótað með rafbyssu og sveltur í fangaklefa Sendiferðabíll í ljósum logum á Reykjanesbraut Sjá meira