Lifnar aðeins yfir Soginu

Karl Lúðvíksson skrifar 14. júlí 2021 13:07

Laxi landað við Alviðru í Soginu fyrir fáum dögum — Mynd:; Veida.is

Væntingar fyrir veiði í Soginu risu eftir fréttir af netaupptöku í Hvítá og það gæti verið ástæðan fyrir ágætis lífi í þessari rómuðu á.

Veiðimaður sem var nýlega við veiðar í Soginu á svæðunum við Bíldsfell og Alvirðu tók fimm laxa á Bíldsfelli og aðra fimm á Alvirðu en það þykja fréttir því Alviðra hefur verið frekar léleg síðustu ár. Að auki setti þessi veiðimaður í vænar bleikjur en það er vel þekkt að júlí er ekki bara mánuður flottra laxa í Soginu, þetta er líka tíminn sem stóra bleikjan lætur vaða í flugur sem eru rétt frambornar. Það er vonandi að þetta sé merki um endurkomu Sogsins og það verður spennandi að sjá hvort nýliðinn straumur skili góðu sumri í ánni.

Stangveiði Grímsnes- og Grafningshreppur