Þýsku meistararnir byrjuðu titilvörnina á jafntefli

Það voru heimamenn í Mönchengladbach sem náðu forystunni strax á tíundu mínútu með marki frá Allasane Plea eftir stoðsendingu frá Lars Stindl.

Það kemur kannski fáum á óvart hver skoraði mark Bayern, en á 42. mínútu skoraði Robert Lewandowski jöfnunarmarkið þegar hann tók boltann á lofti eftir hornspyrnu Joshua Kimmich.

Staðan var því 1-1 þegar flautað var til hálfleiks og hvorugu liðinu tókst að finna sigurmarkið í seinni hálfleik.

Niðurstaðan því 1-1 jafntefli í opnunarleik þýsku úrvalsdeildarinnar í leik þar sem að ríkjandi meisturum mistókst að hefja titilvörnina á sigri.