Lífið

„Einn allra fallegasti staður landsins“

Sylvía Rut Sigfúsdóttir skrifar
Screenshot 2021-08-19 at 14.39.28
Garpur Ingason Elísabetarson

Garpur I. Elísabetarson tók á dögunum einstakt myndband af svokölluðum Uppgönguhrygg, rétt hjá Grænahrygg sem þekktur er fyrir einstakan lit sinn.  

„Þetta er ellefu manna hópur sem er vanari því að hlaupa 50 kílómetra yfir hálendið en ganga en mér tókst að sannfæra Ultra-hlauparanna að ganga og njóta inn að Grænahrygg,“ segur Garpur í samtali við Vísi um ferðina. Myndband hans má sjá í spilaranum hér fyrir neðan.

Klippa: Uppgönguhryggur eins og þú hefur aldrei séð hann áður

„Eftir að hafa legið yfir veðurspánni lögðum við eldsnemma af stað laugardagsmorgun og keyrðum saman inn í Landmannalaugar. Við gengum inn að Hattver og svo niður Uppgönguhrygg, sem að mínu mati er einn allra fallegasti staður landsins. Þegar við höfðum labbað, skokkað og hlaupið hrygginn niður biðu jökulárnar eftir okkur þar sem við þurftum að vaða ansi hressilega til að komast að Grænahrygg.“

Garpur I. Elísabetarson er duglegur að birta myndir og myndbönd af ævintýrum sýnum á Instagram síðu sinni @garpure. Á síðasta ári var hann með þættina Ferðalangur í eigin landi, hér á Vísi.
Garpur Ingason Elísabetarson
Garpur Ingason Elísabetarson

Garpur segir að gangan að Grænahrygg og til baka hafi verið um tuttugu kílómetra löng. 

„Við vorum við um átta til níu klukkustundir að klára gönguna með útsýnis- og drónastoppum.“

Garpur Ingason Elísabetarson

Hægt er að sjá fleiri myndir frá Garpi á Instagram-síðu hans.

Fjallamennska Ljósmyndun Ferðalög

Tengdar fréttir



Mest lesið


Fleiri fréttir

Sjá meira


×

Mest lesið


Tarot dagsins

Dragðu spil og sjáðu hvaða spádóm það geymir.