Oddvitaáskorunin: Ekki búinn að vera tími fyrir dund

Svandís Svavarsdóttir leiðir lista Vinstri grænna í Reykjavíkurkjördæmi suður í kosningunum.

Hér má sjá stutt myndband af Svandísi þar sem hún fer yfir aðdáun sína á bókum og áherslur sínar fyrir komandi kosningar.

Hver er fallegasti staðurinn á Íslandi?

Breiðafjörður frá öllum áttum. Sérstaklega Flatey og Króksfjörður.

Hvað færðu þér í bragðaref?

Toblerone og jarðarber.

Uppáhalds bók?

Lína langsokkur.

Uppáhalds „guilty pleasure“ lag? (skammast þín smá fyrir að hafa gaman af því – sakbitin sæla)

Total Eclipse Of The Heart.

Hvar á Íslandi myndir þú helst vilja búa? (Ekki í þínu kjördæmi)

Hvar sem er nálægt fólkinu mínu.

Dundaðir þú þér við eitthvað á tímum Covid og samkomutakmarkana? Hámhorf eða nýtt áhugamál, sem dæmi.

Það hefur ekki verið mikill tími fyrir dund.

Hvað tekur þú í bekk?

Ég tek ekki í lóð í bekk.

Burstar þú tennurnar fyrir eða eftir morgunmat?

Fyrir.

Draumastarfið? (Fyrir utan þingsetu)

Ég er alltaf í draumastarfinu.

Hvað myndir þú segja við Kim Jong Un, einræðisherra Norður-Kóreu, ef þú myndir hitta hann í einrúmi?

Blessaður, hvað er málið?

Uppáhalds tónlistarmaður?

Joni Mitchell.

Besti fimmaurabrandarinn?

Gleymi öllum bröndurum jafnóðum.

Ein sterkasta minningin úr æsku?

Jólin hjá ömmu og afa.

Hver er fyrirmynd þín í pólitík?

Pabbi.

Besta íslenska Eurovision-lagið?

Nína.

Besta frí sem þú hefur farið í?

Ítalía með stórfjölskyldunni 2008 og 2018.

Uppáhalds þynnkumatur?

Eitthvað með mæjónesi.

Hve oft hefur þú farið að sjá eldgosið?

Aldrei á staðinn en oft frá Ægissíðunni.

Uppáhalds Fóstbræðraatriði?

Sturtuatriðið.

Uppáhalds uppátækið frá framhaldsskólaárunum?

Að eignast magnaðan vinkvennahóp sem ég hitti ennþá og finnst alltaf jafn gaman.

Rómantískasta uppátækið?

Ekki til að segja frá.