„Ég fer ekki í bíó af því að ég get ekki bara setið og horft á mynd“

Isis Helga Pollock er 18 ára hárgreiðslunemi og sirkussnillingur. Þrátt fyrir ungan aldur hefur hún verið að koma fram á sviði í áratug. Hún elskar líka íslensk dægurlög og spáir mikið í draumum og merkingu þeirra. 

Morgunmaturinn? 

Ristað brauð með rjómaost og sultu.

Helsta freistingin? 

Ostaslaufur, en ekki hvaða ostaslaufu sem er... það er ostaslaufan úr bakaríinu á Selfossi.

Hvað ertu að hlusta á?

Ég elska íslensk dægurlög og það er það sem ég hlusta mest á. Eins til dæmis og Ellý Vilhjálms og Haukur Morthens.

Hvað sástu síðast í bíó? 

Ég fer ekki í bíó af því að ég get ekki bara setið og horft á mynd, ég verð alltaf að vera gera eitthvað með höndunum, en seinasta myndin sem ég horfði á er  Water the elephants sem er mynd um Sirkus.

Hvaða bók er á náttborðinu? 

Draumaráðningar.

Hver er þín fyrirmynd? 

Ég á nokkrar fyrirmyndir, Mamma mín, Eyrún og Alda sem eru Sirkus listafólk og kennararnir mínir sem ég lít mjög mikið upp til.

Uppáhaldsmatur? 

Pasta.

Uppáhaldsdrykkur? 

Berja Ava vatn.

Hver er frægasta persóna sem þú hefur hitt? 

Ég hef aldrei hitt neinn erlendis frægan en ég hef hitt „fræga“ Íslendinga eins Páll óskar og svo er frændi minn Rubin Pollock sem er í Kaleo, hann er greinilega orðin frægur núna og kærasta hans Bríet.

Hvað hræðist þú mest? 

Köngulær

Neyðarlegasta atvik sem þú hefur lent í? 

Ég var að gera sýningu i Hörpu fyrir Siðmenntar athöfn og tónlistin mín for ekki í gang, Það eina sem heyrðist var í mér anda. Til að toppa það þá flaug húllahringurinn minn yfir sviðið og beint á borðið sem viðurkenningarblöðin fyrir börnin voru og þau fóru út um allt.

Hverju ertu stoltust af? 

Að vera ein af eigendum og stjórnendum Sirkus Unga Fólksins fyrir 18 ára aldur.

Hefurðu einhvern leyndan hæfileika? 

Ég er mjög góð í að læðast. Ég veit ekki hvað málið er en ég held ég sé bara með meðfætta ninju-hæfileika.

Hundar eða kettir? 

Hundar og kettir.

Hvað er það leiðinlegasta sem þú gerir? 

Ganga frá fötum.

En það skemmtilegasta? 

Að sýna í Sirkusnum.

Hvað heldurðu að komi fólki mest á óvart við þig? 

Að ég æfði á selló í sex ár.

Hvaða lag syngur þú í sturtu/í bílnum? 

Just a gigolo með Louis Prima.

Hverju vonast þú til að Miss Universe Iceland keppnin skili þér? 

Vettvangur fyrir málstaðinn minn sem er að vekja athygli á börnum sem búa við heimilisofbeldi og að efla sjálfstraustið mitt.

Hvar sérðu þig eftir fimm ár? 

Að halda áfram að blómstra í því sem ég er að gera núna. Verð búin með hárgreiðslunámið og auðvitað ennþá í Sirkusnum að gera það sem ég geri best þar.

Hvar er hægt að fylgjast með þér? 

Á instagram- Isispollock