„Ekki bara þessi týpíska barbídúkku stereótýpa“

Elísa Gróa Steinþórsdóttir lítur á fegurðarsamkeppnir sem lífsstíl. Hún tók fyrst þátt í Ungfrú Ísland árið 2015 og svo keppti hún ári síðar í Miss Universe Iceland og hefur tekið nokkrum sinnum síðan. Hún starfar sem flugfreyja og förðunarfræðingur. 

Morgunmaturinn?

Hafragrautur eða grísk jógúrt, með nóg af kókosflögum og berjum.

Helsta freistingin?

Fylltir Twizzlers! Fást sem betur fer yfirleitt bara í Bandaríkjunum þannig það er algjört spari.

Hvað ertu að hlusta á?

Pageant pepp playlistann minn.

Hvað sástu síðast í bíó?

Það er svo langt síðan að ég hreinlega man það ekki.

Hvaða bók er á náttborðinu?

2021 skipulagsbókin mín.

Hver er þín fyrirmynd?

Foreldrar mínir, ásamt mörgum drottningum úr pageant heiminum.

Uppáhaldsmatur?

Sushi.

Uppáhaldsdrykkur?

Fanta lemon, og í rauninni allt límonaði.

Hver er frægasta persóna sem þú hefur hitt?

Fyrsta sem mér dettur í hug eru Shawn Pyfrom og Cody Kasch. Þeir léku meðal annars báðir í Desperate Housewives þáttunum.

Hvað hræðist þú mest?

Að lifa ekki lífinu til fulls.

Neyðarlegasta atvik sem þú hefur lent í?

Datt í tjörnina í Reykjavík.

Hverju ertu stoltust af?

Að vera að vinna við draumastarfið mitt, og að vera íbúðareigandi.

Hefurðu einhvern leyndan hæfileika?

Mér dettur enginn í hug, örugglega vegna þess að ég deili öllum hæfileikunum mínum. En ég er til dæmis góð í dansi og förðun.

Hundar eða kettir?

Hundar.

Hvað er það leiðinlegasta sem þú gerir?

Til dæmis að moka litla bílinn minn út úr snjóskafli þegar ég á að mæta í vinnuna um miðja nótt.

En það skemmtilegasta?

Að ferðast um heiminn.

Hvað heldurðu að komi fólki mest á óvart við þig?

Að ég sé ekki bara þessi týpíska barbídúkku stereótýpa.

Hvaða lag syngur þú í sturtu/í bílnum?

Núna nær keppni er Unstoppable Með Sia alltaf í botni í bílnum.

Hverju vonast þú til að Miss Universe Iceland keppnin skili þér?

Kórónu, titli, ábyrgð og endalausum góðum minningum.

Hvar sérðu þig eftir fimm ár?

Ennþá óendanlega hamingjusöm, búin að vinna mig upp í starfinu mínu og bæta við mig starfi í pageant heiminum, og vonandi búin að eignast fjölskyldu.

Hvar er hægt að fylgjast með þér?

@elisagroa á Instagram.