Bein út­sending: Kvöld­fréttir Stöðvar 2

Fjallað verður nánar um málið í kvöldfréttum og rætt við þingmenn um stöðuna sem upp er komin í beinni útsendingu.

Þá verður einnig rætt við kjósendur í Norðvesturkjördæmi sem segja margir óþarfi að ganga aftur að kjörborðinu og telja einhverjir að fyrri talning eigi að gilda.

Skjálftahrinan við Keili er sögð minna á umbrotatímana fyrir gosið í Fagradalsfjalli. Engin virkni við Fagradalsfjall fær vísindamenn þó til að halda að kvikan gæti verið að leita til Keilis. Við kynnum okkur málið í kvöldfréttum en næstu dagar eru sagðir skipta miklu máli um framhaldið.

Kona íhugar skaðabótamál við Krabbameinsfélagið eftir að mistök voru gerð við athugun á brjóstakrabbameini hjá henni. Hún var ekki send í fullnægjandi skoðun þegar hún mætti með einkenni og sögu af sjúkdómnum. Fjallað verður nánar um málið í kvöldfréttum.

Þá verður farið yfir nýjar reglur um greiðslubyrði húsnæðislána, rætt við söngkonuna Debbie Harry sem stödd er hér á landi og við verðum í beinni útsendingu frá Tjarnarbíó þar sem keppnin Miss Universe Iceland fer fram í kvöld.

Þetta og fleira á samtengdum rásum Bylgjunnar og Stöðvar 2 klukkan 18:30.

Kvöldfréttirnar eru í lokaðri dagskrá en áskrifendur geta horft á þær hér á stod2.is. Einnig er hægt að hlusta á fréttirnar á Bylgjunni hér í spilaranum fyrir ofan.