Subway deildirnar í körfubolta voru kynntar í dag á árlegum kynningarfundi fyrir leiktíðina í úrvalsdeildum karla og kvenna en hann var haldinn á Grand Hótel.
Stærsta frétt fundarins var að venju spá fyrirliða, þjálfara og forráðamanna liðanna í deildunum um lokaniðuröðun.
Það kom hins vegar líka fram að Körfuknattleikssamband Íslands og rekstraraðili Subway veitingastaðanna á Íslandi hafa gert með sér samning um að úrvalsdeildir karla og kvenna verða kenndar við Subway næstu árin.
Haukum var spáð öruggum sigri í Subway deild kvenna en næstu lið eru Valur og Fjölnir. Skallagrímur fellur úr deildinni. Nýliðar Njarðvíkur rétt missa af úrslitakeppnina því fjórða liðið inn í hana er Keflavík. ÍR kemur upp í 1. deildina í staðinn.
Haukarkonur hafa unnið tvo titla á síðustu dögum auk þess að komast áfram í Evrópukeppni fyrst íslenska kvennaliða í körfunni. Liðið fékk til sín bestu körfuboltakonu landsins í Helenu Sverrisdóttur en hún hjálpað Valskonum að vinna titilinn á síðustu leiktíð.
Njarðvík er spáð sigri í Subway deild karla en næstir verða Keflvíkingar. Stjarnan, Valur og Tindastóll eru ekki langt á eftir og það má því búast við spennandi keppni.
Njarðvíkingar urðu bikarmeistarar á dögunum en töpuðu síðan á móti Þór úr Þorlákshöfn í Meistarakeppni KKÍ um helgina. Það breytti því samt ekki að á sama og Njarðvík er spáð efsta sæti þá eiga ríkjandi Íslandsmeistarar hjá Þór úr Þorlákshöfn bara að enda í áttunda og síðasta sætinu inn í úrslitakeppnina.
Nýliðar Breiðabliks og Vestra fara aftur niður í 1. deildina samkvæmt spánni en upp í staðinn koma Haukar og Höttur sem féllu bæði síðasta vor.
- SUBWAY DEILD KVENNA - Spá fyrirliða, þjálfara og forráðamanna
- 1. Haukar 284 stig
- 2. Valur 204
- 3. Fjölnir 200
- 4. Keflavík 136
- 5. Njarðvík 90
- 6. Breiðablik 80
- 7. Grindavík 53
- 8. Skallagrímur 33
- -
- SUBWAY DEILD KARLA- Spá fyrirliða, þjálfara og forráðamanna
- 1. Njarðvík 398 stig
- 2. Keflavík 367
- 3. Stjarnan 329
- 4. Valur 323
- 5. Tindastóll 312
- 6. KR 235
- 7. Grindavík 223
- 8. Þór Þ. 215
- 9. ÍR 146
- 10. Þór Ak. 107
- 11. Breiðablik 102
- 12. Vestri 51
- -
- 1. deild karla- Spá fyrirliða, þjálfara og forráðamanna:
- Haukar 334 stig
- Höttur 283
- Sindri 227
- Álftanes 217
- Fjölnir 157
- Skallagrímur 143
- Selfoss 139
- Hamar 118
- Hrunamenn 88
- ÍA 34
- -
- 1. deild kvenna- Spá fyrirliða, þjálfara og forráðamanna:
- ÍR 342 stig
- KR 298
- Stjarnan 287
- Þór Ak. 283
- Ármann 235
- Hamar-Þór 155
- Aþena-UMFK 151
- Tindastóll 145
- Snæfell 128
- Fjölnir b 108
- Vestri 79