Logi ekki með slitið krossband: „Jákvæðar fréttir“

Njarðvíkingar segja frá sér á síðum sínum í dag að Logi sé ekki með slitið krossband.

Ljóst er aftur á móti að Logi Gunnarsson er með skaddað liðband í hné og verður því frá keppni næstu vikurnar.

Logi meiddist í leik gegn Valsmönnum og kenndi sér meins í hnénu eftir leik. Eftir myndatöku í gær þriðjudag er ljóst að Logi verður frá keppni um tíma en vanalega tekur um sex vikur að jafna sig af álíka meiðslum.

„Það sem ég óttaðist mest var að krossbandið væri slitið og tímabilið og hreinlega ferillinn í hættu. Þetta eru því í raun jákvæðar fréttir. Ég reyni að horfa á þetta jákvæðum augum og mér líður vel núna. Læknar sem skoðuðu myndirna segja að fyrirbyggjandi æfingar sem ég geri daglega séu í raun að bjarga mér,“ sagði Logi í samtali við miðla Njarðvíkur.