Sveppi reyndi fyrir sér í uppistandi

Steinunn Ólína leggur fyrir þá Auðunn Blöndal og Steinda Jr., fyndnar og fjölbreyttar áskoranir í hverjum þætti.

Í þættinum á föstudaginn mættu þeir Sveppi og Ari Eldjárn sem gestaþátttakendur en Sveppi var að sjálfsögðu með Audda í liði og Ari með Steinda.

Áskorun kvöldsins fólst meðal annars í því að talsetja og framleiða stuttteiknimynd, endurgera frægt atriði úr kvikmyndasögunni og fara með uppistand.

Ari Eldjárn fór að sjálfsögðu með uppistand fyrir hönd síns liðs en það kom í hlut Sveppa að flytja uppistand fyrir hitt liðið.

Sveppi þótti standa sig nokkuð vel og sagði eftir uppistandið að þetta hafi verið eitt það erfiðasta sem hann hefði gert á ferlinum.

Hér að neðan má sjá hvernig til tókst.