101 greindist innan­lands

Þetta kemur fram á síðunni Covid.is. 1.366 eru nú í einangrun vegna Covid-19 og 1.882 í sóttkví. 130 eru nú í skimunarsóttkví.

24 eru nú inniliggjandi á sjúkrahúsum á landinu vegna Covid-19og þá eru fimm á gjörgæslu vegna Covid-19. Á vef Landspítala segir að meðalaldur þeirra 24 sem séu inniliggjandi sé 65 ár. Fimm eru á gjörgæslu, fjórir þeirra í öndunarvél.

Níu smit kom upp á landamærunum í gær – sjö virk smit í fyrri landamæraskimun, einn í seinni landamæraskimun er niðurstöðu mótefnamælingar beðið í tilviki eins.

Nýgengi á smiti innanlands, þ.e. fjöldi smitaðra á hverja 100 þúsund íbúa undanfarnar tvær vikur, er nú 472,9. Nýgengi á smiti á landamærum er nú 28,4.

Alls hafa 18.642 manns greinst með kórónuveiruna hér á landi frá því faraldurinn hófst í lok febrúar á síðasta ári. Þá hafa 35 andlát verið rakin til Covid-19 hér á landi frá upphafi faraldursins.

Alls voru tekin 816 einkennasýni hjá sýkla- og veirufræðideild Landspítalans og Íslenskri erfðagreiningu í gær. Þá var 649 sýni tekin á landamærunum eða í seinni landamæraskimun og 592 í svokallaðri sóttkvíar- og handahófsskimun.