Ekki fýsilegar aðstæður á Íslandi til að „búa til veður“ Hólmfríður Gísladóttir skrifar 8. desember 2021 08:34 Stjórnvöld í Kína hafa uppi miklar áætlanir um að stjórna veðrinu á stóru landsvæði. Getty/Wang Jianfeng „Menn hafa í árhundruð reynt að stjórna veðrinu en það var ekki fyrr en í kringum og eftir seinni heimstyrjöldina að vísindin fóru að taka á sig einhverja mynd,“ segir Elín Björk Jónasdóttir, hópstjóri veðurþjónustu hjá Veðurstofu Íslands, um tilraunir manna til að hafa áhrif á veðurfar. Guardian greindi frá því í vikunni að vísindamenn við Tsinghua-háskólann í Pekíng hefðu komist að þeirri niðurstöðu að kínversk stjórnvöld hefðu gripið til þess ráðs að dreifa efnum í veðurhvolfinu til að tryggja heiðan himinn og lágmarksmengun þegar haldið var upp á aldarafmæli Kínverska kommúnistaflokksins í júlí síðastliðnum. Stjórnvöld í Kína eru sögð hafa varið milljörðum í tilraunir til að stjórna veðrinu, til dæmis í kringum stórviðburði og á mikilvægum landbúnaðarsvæðum. Aðferðin sem notuð var í sumar snérist um að dreifa svokölluðu silfurjoðíði í skýjahuluna, í viðleitni til að auka regnfall. Efni notuð til að auka úrkomu og draga úr þoku Að sögn Elínar fóru miklar rannsóknir af stað árið 1946, þar sem meðal annars var til skoðunar hvaða aðferðir mætti nota til að breyta veðri, til dæmis framkalla úrkomu, og við hvaða aðstæður þær gætu nýst. Elín Björk Jónasdóttir. Hún segir að til viðbótar við silfurjoðíð hafi menn einnig notast við brennisteinssameindir og sjávarsalt, svo eitthvað sé nefnt. „Það er ekki hægt að stjórna öllu veðri með þessum hætti, algengast er að þykkja ský eða fjölga skýjaþéttikjörnum til að láta rigna eða snjóa úr skýjum. Slíkt er hægt ef droparnir í skýjunum eru undirkældir, og það er skortur á skýjaþéttikjörnum, með því að bæta í kerfið stærri þéttikjörnum sem eru vatnssæknir (e. agroscopic); þá stækka vatnsdroparnir og falla til jarðar,“ útskýrir Elín í skriflegum svörum við fyrirspurn Vísis. „Þoku er í sumum tilfellum hægt að minnka með svipuðum hætti. Aðferðirnar eru mjög dýrar í hvert sinn og því sjaldan notaðar. Kínverjar virðast notast við silfurjóðíð sem rignir strax niður til jarðar, en virðist binda sót og önnur mengunarefni í andrúmslofti og láta þau falla til jarðar til að draga úr mengun.“ Getur haft áhrif langt út fyrir ætlað áhrifasvæði Elín segir veðrabreytingarnar kalla á mikla fyrirhöfn; þétt mælanet og mikla þenningu til að vita hvenær réttur tími er til að losa efnin í skýin. Hún segir þær þó geta borgað sig til að auka úrkomu á mjög þurrum svæðum eða auka snjómagn sem skilar sér í uppistöðulón fyrir rafmagnsframleiðslu. Á Íslandi séu aðstæður hins vegar ekki ákjósanlegar; úrkoma sé ekki næg og veðrabreytingar hraðar. „Ekki er til dæmis hægt að framleiða snjó nema hitastigið sé undir frosmarki og vatn sé til staðar í andrúmsloftinu. Hér á landi er lang oftast úrkoma í þeim aðstæðum,“ segir Elín. Spurð að því hvort veðurinngripið sé neikvætt að einhverju leiti, geti til dæmis mögulega haft áhrif á veður í nágrenninu, svarar hún játandi. Efnin sem notuð eru safnist upp og geti verið skaðleg fyrir umhverfið. „Helst má segja að þykking skýja til að takmarka sólarljós og inngeislun yfir hafi þar sem notast er við sjávarsalt, sem síðan lendir aftur í sjónum, sé ekki skaðleg umhverfinu. En allar líkur eru á því að miklar manngerðar breytingar á skýjafari og úrkomu geti haft áhrif langt út fyrir það áhrifasvæði sem þeim er ætlað og erfitt er að segja til um afleiðingarnar,“ segir Elín. „Líkön gera til dæmis ráð fyrir því að ef farið væri í þykkingu skýja yfir hafi á stórum skala, með því markmiði að takmarka inngeislun sólar, þá gætu regnsvæði og þurrkasvæði hnikast verulega til með mjög alvarlegum afleiðingum fyrir fólkið sem er vant að fá úrkomu og þurrka á ákvðenum tímum árs.“ Veður Kína Vísindi Mest lesið Lögregla dreifði gjörbreyttri mynd af díselþjófum Innlent „Sjaldan hefur stjórnmálamaður verið hamflettur jafn rækilega“ Innlent Ferðamaður lést við Breiðamerkursand Innlent Falið ofbeldi gegn eldri borgurum: „Þetta er barnið mitt, ég ól það upp, gerði ég mistök?“ Innlent „Það er rosalega ljótt að segja þetta en mér líður bara þannig“ Innlent Lögregla biðst afsökunar vegna myndarinnar Innlent Líkir aðferðum forstjóra Landsvirkjunnar við heimilisofbeldi Innlent Hafi látið högg og spörk dynja á foreldrunum í tíu klukkustundir Innlent Í áfalli eftir að hafa fengið bréf frá árásarmanninum inn um lúguna Erlent „Í Evrópumálum tel ég að þetta sé ekki rétti tíminn að fara í þá vegferð“ Innlent Fleiri fréttir Níu ára og með sitt eigið „Fannars bakarí“ í Njarðvík „Þetta er hættuleg helgi“ Eldri borgarar sem verði fyrir ofbeldi ættingja geti hvergi leitað Aldraðir beittir ofbeldi af ættingjum og gervigreindarmistök lögreglu Ferðaþjónustuþorpið Vík: „Við erum ein á báti“ Tjaldsvæði á Norðurlandi óðum að fyllast Framkvæmdir við Hvammsvirkjun stöðvaðar Borgin hafnar yfirlýsingum KSÍ Fólk varist dúfur í Vestmannaeyjum Ógnaði vegfarendum með stórum hníf Ferðamaður lést við Breiðamerkursand „Í Evrópumálum tel ég að þetta sé ekki rétti tíminn að fara í þá vegferð“ Falið ofbeldi gegn eldri borgurum: „Þetta er barnið mitt, ég ól það upp, gerði ég mistök?“ Ísbjarnareftirlit á Vestfjörðum Íslenskum nemendum fækkar en erlendum fjölgar Lögregla biðst afsökunar vegna myndarinnar Þyrlan kölluð út vegna bráðra veikinda á Breiðamerkursandi Ofbeldi gegn eldri borgurum oft hulið Aukið viðbragð í öllum deildum lögreglu Lögregla dreifði gjörbreyttri mynd af díselþjófum Sendinefnd ESB tjáir sig ekki um tollana Líkir aðferðum forstjóra Landsvirkjunnar við heimilisofbeldi Breiðan „tjakkast upp“ og varað við framhlaupi við hraunjaðrana Meiddist á handlegg og fótum þegar glerhurð brotnaði „Það er rosalega ljótt að segja þetta en mér líður bara þannig“ Segir viðbrögð Bjarnheiðar vekja „óþægilegar minningar“ „Hef ekki hitt neinn arkitekt sem finnst þetta góð hugmynd“ Komu göngumönnum í sjálfheldu til aðstoðar Á bát í Kyrrahafi þegar skjálftaflóðbylgjur skullu á Rússnesk herflugvél mætt í Landeyjarnar Sjá meira
Guardian greindi frá því í vikunni að vísindamenn við Tsinghua-háskólann í Pekíng hefðu komist að þeirri niðurstöðu að kínversk stjórnvöld hefðu gripið til þess ráðs að dreifa efnum í veðurhvolfinu til að tryggja heiðan himinn og lágmarksmengun þegar haldið var upp á aldarafmæli Kínverska kommúnistaflokksins í júlí síðastliðnum. Stjórnvöld í Kína eru sögð hafa varið milljörðum í tilraunir til að stjórna veðrinu, til dæmis í kringum stórviðburði og á mikilvægum landbúnaðarsvæðum. Aðferðin sem notuð var í sumar snérist um að dreifa svokölluðu silfurjoðíði í skýjahuluna, í viðleitni til að auka regnfall. Efni notuð til að auka úrkomu og draga úr þoku Að sögn Elínar fóru miklar rannsóknir af stað árið 1946, þar sem meðal annars var til skoðunar hvaða aðferðir mætti nota til að breyta veðri, til dæmis framkalla úrkomu, og við hvaða aðstæður þær gætu nýst. Elín Björk Jónasdóttir. Hún segir að til viðbótar við silfurjoðíð hafi menn einnig notast við brennisteinssameindir og sjávarsalt, svo eitthvað sé nefnt. „Það er ekki hægt að stjórna öllu veðri með þessum hætti, algengast er að þykkja ský eða fjölga skýjaþéttikjörnum til að láta rigna eða snjóa úr skýjum. Slíkt er hægt ef droparnir í skýjunum eru undirkældir, og það er skortur á skýjaþéttikjörnum, með því að bæta í kerfið stærri þéttikjörnum sem eru vatnssæknir (e. agroscopic); þá stækka vatnsdroparnir og falla til jarðar,“ útskýrir Elín í skriflegum svörum við fyrirspurn Vísis. „Þoku er í sumum tilfellum hægt að minnka með svipuðum hætti. Aðferðirnar eru mjög dýrar í hvert sinn og því sjaldan notaðar. Kínverjar virðast notast við silfurjóðíð sem rignir strax niður til jarðar, en virðist binda sót og önnur mengunarefni í andrúmslofti og láta þau falla til jarðar til að draga úr mengun.“ Getur haft áhrif langt út fyrir ætlað áhrifasvæði Elín segir veðrabreytingarnar kalla á mikla fyrirhöfn; þétt mælanet og mikla þenningu til að vita hvenær réttur tími er til að losa efnin í skýin. Hún segir þær þó geta borgað sig til að auka úrkomu á mjög þurrum svæðum eða auka snjómagn sem skilar sér í uppistöðulón fyrir rafmagnsframleiðslu. Á Íslandi séu aðstæður hins vegar ekki ákjósanlegar; úrkoma sé ekki næg og veðrabreytingar hraðar. „Ekki er til dæmis hægt að framleiða snjó nema hitastigið sé undir frosmarki og vatn sé til staðar í andrúmsloftinu. Hér á landi er lang oftast úrkoma í þeim aðstæðum,“ segir Elín. Spurð að því hvort veðurinngripið sé neikvætt að einhverju leiti, geti til dæmis mögulega haft áhrif á veður í nágrenninu, svarar hún játandi. Efnin sem notuð eru safnist upp og geti verið skaðleg fyrir umhverfið. „Helst má segja að þykking skýja til að takmarka sólarljós og inngeislun yfir hafi þar sem notast er við sjávarsalt, sem síðan lendir aftur í sjónum, sé ekki skaðleg umhverfinu. En allar líkur eru á því að miklar manngerðar breytingar á skýjafari og úrkomu geti haft áhrif langt út fyrir það áhrifasvæði sem þeim er ætlað og erfitt er að segja til um afleiðingarnar,“ segir Elín. „Líkön gera til dæmis ráð fyrir því að ef farið væri í þykkingu skýja yfir hafi á stórum skala, með því markmiði að takmarka inngeislun sólar, þá gætu regnsvæði og þurrkasvæði hnikast verulega til með mjög alvarlegum afleiðingum fyrir fólkið sem er vant að fá úrkomu og þurrka á ákvðenum tímum árs.“
Veður Kína Vísindi Mest lesið Lögregla dreifði gjörbreyttri mynd af díselþjófum Innlent „Sjaldan hefur stjórnmálamaður verið hamflettur jafn rækilega“ Innlent Ferðamaður lést við Breiðamerkursand Innlent Falið ofbeldi gegn eldri borgurum: „Þetta er barnið mitt, ég ól það upp, gerði ég mistök?“ Innlent „Það er rosalega ljótt að segja þetta en mér líður bara þannig“ Innlent Lögregla biðst afsökunar vegna myndarinnar Innlent Líkir aðferðum forstjóra Landsvirkjunnar við heimilisofbeldi Innlent Hafi látið högg og spörk dynja á foreldrunum í tíu klukkustundir Innlent Í áfalli eftir að hafa fengið bréf frá árásarmanninum inn um lúguna Erlent „Í Evrópumálum tel ég að þetta sé ekki rétti tíminn að fara í þá vegferð“ Innlent Fleiri fréttir Níu ára og með sitt eigið „Fannars bakarí“ í Njarðvík „Þetta er hættuleg helgi“ Eldri borgarar sem verði fyrir ofbeldi ættingja geti hvergi leitað Aldraðir beittir ofbeldi af ættingjum og gervigreindarmistök lögreglu Ferðaþjónustuþorpið Vík: „Við erum ein á báti“ Tjaldsvæði á Norðurlandi óðum að fyllast Framkvæmdir við Hvammsvirkjun stöðvaðar Borgin hafnar yfirlýsingum KSÍ Fólk varist dúfur í Vestmannaeyjum Ógnaði vegfarendum með stórum hníf Ferðamaður lést við Breiðamerkursand „Í Evrópumálum tel ég að þetta sé ekki rétti tíminn að fara í þá vegferð“ Falið ofbeldi gegn eldri borgurum: „Þetta er barnið mitt, ég ól það upp, gerði ég mistök?“ Ísbjarnareftirlit á Vestfjörðum Íslenskum nemendum fækkar en erlendum fjölgar Lögregla biðst afsökunar vegna myndarinnar Þyrlan kölluð út vegna bráðra veikinda á Breiðamerkursandi Ofbeldi gegn eldri borgurum oft hulið Aukið viðbragð í öllum deildum lögreglu Lögregla dreifði gjörbreyttri mynd af díselþjófum Sendinefnd ESB tjáir sig ekki um tollana Líkir aðferðum forstjóra Landsvirkjunnar við heimilisofbeldi Breiðan „tjakkast upp“ og varað við framhlaupi við hraunjaðrana Meiddist á handlegg og fótum þegar glerhurð brotnaði „Það er rosalega ljótt að segja þetta en mér líður bara þannig“ Segir viðbrögð Bjarnheiðar vekja „óþægilegar minningar“ „Hef ekki hitt neinn arkitekt sem finnst þetta góð hugmynd“ Komu göngumönnum í sjálfheldu til aðstoðar Á bát í Kyrrahafi þegar skjálftaflóðbylgjur skullu á Rússnesk herflugvél mætt í Landeyjarnar Sjá meira