Enski boltinn

Mendy ákærður fyrir sjöundu nauðgunina

Ingvi Þór Sæmundsson skrifar
Benjamin Mendy var handtekinn í ágúst.
Benjamin Mendy var handtekinn í ágúst. epa/Shaun Botterill

Benjamin Mendy, leikmaður Englandsmeistara Manchester City, hefur verið ákærður fyrir enn eina nauðgunina.

Mendy á því alls yfir höfði sér sjö ákærur fyrir nauðganir og eina fyrir kynferðisofbeldi. Hann á að hafa brotið á fimm konum á tímabilinu október 2020 til ágúst 2021. Nýjasta ákæran tengist meintri nauðgun í júlí á þessu ári.

Hinn 27 ára Mendy hefur verið í gæsluvarðhaldi síðan hann var handtekinn í ágúst. Hann lék síðast með City gegn Tottenham 15. ágúst.

City keypti Mendy frá Monaco fyrir rúmlega fimmtíu milljónir punda sumarið 2017. Hann hefur unnið fjölda titla með City þrátt fyrir að hafa lítið spilað vegna meiðsla.

Enski boltinn Kynferðisofbeldi

Mest lesið


Fleiri fréttir

Sjá meira


×

Mest lesið