Launakröfur Vlahovic gætu fælt ensku félögin frá

Manchester City, Arsenal, Chelsea og Tottenham eru meðal þeirra liða sem sögð eru fylgjast náið með Vlahovic, en auk þess eru fleiri félög utan Englands sem hafa áhuga á að tryggja sér þjónustu framherjans stæðilega.

Forráðamenn Fiorentina hafa gefið það út að Vlahovic verði ekki seldur fyrir minna en 70 milljónir punda. Þá er Vlahovic sjálfur sagður krefjast þess að fá í það minnsta 200 þúsund pund í laun vikulega, en sú upphæð, auk kaupverðsins, gæti fælt félögin í ensku úrvalsdeildinni frá því að fjáfesta í honum.

Hinn 21 árs Vlahovic hefur ítrekað verið orðaður við Englandsmeistara Manchester City, en Pep Guardiola gaf það út á dögunum að liðið myndi ekki fjárfesta í framherja í janúar, þrátt fyrir það að Ferran Torres sé á leið frá félaginu til Barcelona.

Vlahovic hefur skorað 19 mörk í 22 leikjum í öllum keppnum fyrir Fiorentina á tímabilinu.