Karl­maður á átt­ræðis­aldri lést af völdum Co­vid-19 í Sunnu­hlíð

Þetta staðfestir Kristján Sigurðsson, framkvæmdastjóri Vigdísarholts, rekstrarfélags Sunnuhlíðar, í samtali við Vísi, en það var Viljinn sem sagði fyrst miðla frá andlátinu.

Kristján segir að alls hafi um 35 af 66 heimilismönnum í Sunnuhlíð smitast í tengslum við hópsmit sem þar kom upp á dögunum. Þá hafi fjöldi starfsfólks einnig greinst með kórónuveiruna og enn fleiri farið í sóttkví.

„Reksturinn verður þungur út þessa viku vegna þessara smita. Við höfum meðal annars þurft að loka iðjuþjálfun og endurhæfingadeildinni til að geta haldið starfseminni gangandi,“ segir Kristján.

Alls hafa nú 47 látist af völdum Covid-19 hér á landi frá upphafi faraldursins.