Roy Keane á leið í þjálfun á ný?

Keane hefur starfað sem sérfræðingur um enska boltann fyrir Sky Sports undanfarin ár en hans síðasta starf í þjálfun var þegar hann var um stutt skeið aðstoðarþjálfari Nottingham Forest árið 2019.

Enska C-deildarliðið Sunderland er í leit að knattspyrnustjóra eftir að Lee Johnson var látinn taka pokann sinn eftir 6-0 tap gegn Bolton Wanderers um síðustu helgi.

Þrátt fyrir skellinn er Sunderland í ágætum málum í 3.sæti deildarinnar og á góðan möguleika á að fara upp í B-deildina, ef ekki beint þá í gegnum umspil.

Frumraun Keane í þjálfun var einmitt hjá Sunderland árið 2008 en hann stýrði þá liðinu upp úr ensku B-deildinni á sínu fyrsta tímabili sem stjóri félagsins en steig svo frá borði um mitt tímabil þegar liðið var í 18.sæti ensku úrvalsdeildarinnar.