Innlent

Vegur um Teigsskóg á að vera tilbúinn í október á næsta ári

Kristján Már Unnarsson skrifar
Úr Teigsskógi við Þorskafjörð. Þar er nú þegar gamall vegslóði.
Úr Teigsskógi við Þorskafjörð. Þar er nú þegar gamall vegslóði. KMU

Vegagerðin hefur formlega birt útboðsauglýsingu um nýbyggingu Vestfjarðavegar um Gufudalssveit á kaflanum millli Þórisstaða og Hallsteinsness. Þetta er sá kafli sem liggur um hinn umdeilda Teigsskóg í utanverðum Þorskafirði.

Verkið er boðið út á evrópska efnahagssvæðinu. Tilboðum skal skilað rafrænt fyrir klukkan 14 þriðjudaginn 23. mars 2022, að því er fram kemur í auglýsingunni. Eftir lok útboðsfrests verður tilkynnt um nöfn bjóðenda og verðtilboð.

Hér má sjá fyrirhugaða veglínu um Teigsskóg milli Hallsteinsness og Þórisstaða.Vegagerðin

Í verkinu felst lagning 10,4 kílómetra langs vegarkafla í Þorskafirði og um 200 metra kafla á Djúpadalsvegi. Verkinu skal að fullu lokið 15. október 2023. Eins og fram kom í frétt Stöðvar 2 í síðustu viku verður þá hægt að sneiða framhjá Hjallahálsi en núna er unnið að lagningu tengivegar milli Hallsteinsness og Djúpadals. Jafnframt er unnið að brúun Þorskafjarðar. Fyrsti áfanginn, sjö kílómetra vegarkafli í Gufufirði milli Skálaness og Gufudals, var kláraður síðastliðið sumar.

Tveir síðustu áfangarnir í endurnýjun þjóðvegarins um Gufudalssveit eiga enn eftir að fara í útboð, þverun Gufufjarðar og Djúpafjarðar. Síðar á þessu ári er gert ráð fyrir að næsti áfangi verði boðinn út; kafli yfir Gufufjörð og út í Djúpafjörð að hluta. Lokaáfanginn, stærri brúin yfir Djúpafjörð, verður væntanlega boðinn út á næsta ári, samkvæmt upplýsingum Vegagerðarinnar.

Göngufólk á leið milli Grafar og Hallsteinsness síðastliðið sumar.KMU

Sigurþór Guðmundsson, verkefnisstjóri Vestfjarðavegar um Gufudalssveit, sagðist í viðtali við Stöð 2 í síðustu viku vonast til að heildarverkinu lyki árið 2024. Hann hafði þó þann fyrirvara á að það gæti dregið til ársins 2025 enda væri þetta mjög viðamikið verk á litlu svæði.

Hér má sjá frétt Stöðvar 2:

Vegagerð Samgöngur Umferðaröryggi Umhverfismál Skipulag Reykhólahreppur

Tengdar fréttir

Vestfirðingar vonast til að hylli undir lok sögunnar endalausu

„Við höfum náttúrlega reynslu af því að þurfa að bíða mjög lengi eftir því að fá samgöngubætur, eins og Teigsskógarruglið hefur verið. Við bara þekkjum það vel. Og það er ekkert í höfn fyrr en við bara sitjum í bílunum okkar og það er verið að opna vegina okkar,“ segir Hafdís Gunnarsdóttir, formaður Fjórðungssambands Vestfirðinga.

Sögunni endalausu um Teigsskóg virðist lokið með sögulegum samningi

Það vakti athygli margra síðdegis í gær að á meðan löngum ríkisstjórnarfundi um minnisblað sóttvarnalæknis stóð greindi samgönguráðherra frá langþráðum áfanga í vegagerð hér á landi. Vegalagning um Gufudalssveit væri fram undan en deilur um svæðið og nýjan veg þar um hafa staðið í tvo áratugi. Sagan endalausa virðist ætla að enda eftir allt saman.

Byrjaðir á fyrsta áfanga vegar um Gufudalssveit

Vinna er hafin við sjö kílómetra vegagerð í Gufudalssveit en þetta er fyrsti áfangi hins umdeilda Teigsskógarvegar. Í sveitinni er því fagnað að verkið skuli hafið. Myndir frá vegagerðinni mátti sjá í fréttum Stöðvar 2.

Mest lesið


Fleiri fréttir

Sjá meira


×

Mest lesið