Heiðursstúkan: Hvor veit meira um Subway-deildina? Brynjar eða Pavel?

Um er að ræða spurningaþátt sem tengist leikjum og mótum sem eru á Stöð 2 Sport. Heiðursstúkan verður sýnd á Vísi alla föstudaga. Jóhann Fjalar Skaptason stýrir þættinum.

Þema þriðja þáttarins er Subway-deild karla í körfubolta en næsta umferð fer fram í næstu viku.

Gestir þáttarins að þessu sinni voru tveir af sigursælustu leikmönnum Íslandsmótsins frá upphafi eða þeir Brynjar Þór Björnsson og Pavel Ermolinskij. Brynjar Þór hefur átta sinnum orðið Íslandsmeistari en Pavel sjö sinnum.

Alla Íslandsmeistaratitlana hafa þeir unnið með KR en Pavel er reyndar leikmaður Vals í dag.

Nú er bara að sjá hvað þeir félagar vita um Subway-deild karla í körfubolta, deildina sem þeir hafa unnið svo oft.