Bein útsending: Kynna sigurtillögu um gagngera breytingu á Lækjartorgi

Atli Ísleifsson skrifar 4. mars 2022 08:31

Fundurinn mun hefjast á því að forsætisráðherra og borgarstjóri Reykjavíkur munu tilkynna um úrslit í hugmyndasamkeppni um endurgerð Lækjartorgs. Vísir/Hanna

Opinn fundur um samgöngumál á höfuðborgarsvæðinu verður haldinn milli klukkan 9 og 11 í dag. Fundurinn mun hefjast á því að forsætisráðherra og borgarstjóri Reykjavíkur tilkynna um úrslit í hugmyndasamkeppni um endurgerð Lækjartorgs. Þar á eftir verður sigurtillagan kynnt en um að er að ræða gagngera breytingu á torginu.

Á fundinum munu Katrín Jakobsdóttir forsætisráðherra, Dagur B. Eggertsson borgarstjóri, Sigurður Ingi Jóhannsson innviðaráðherra og Ármann Kr. Ólafsson bæjarstjóri í Kópavogi taka til máls meðal annarra sem fara yfir stærstu verkefnin sem áætluð eru í samgöngumálum höfuðborgarsvæðisins.

„Farið verður yfir stöðuna á Borgarlínuverkefninu og tækifærin sem skapast til uppbyggingar meðfram línunni. Fulltrúar háskólanna í Reykjavík, forsvarsmenn stærstu fasteignafélaganna á höfuðborgarsvæðinu auk Ármanns Kr. Ólafssonar bæjarstjóra í Kópavogi munu fara yfir möguleikana sem Borgarlínan skapar til þéttingar og uppbyggingar.

Kynning verður á Öldu – brúnni sem tengir Reykjavík og Kársnes í Kópavogi með Borgarlínunni sem skapar mikil tækifæri fyrir þá sem búa báðum megin Fossvogs.

Kynnt verða uppbyggingaráform í kringum umferðarstokkana sem byggðir verða á Sæbraut og Miklubraut.

Að lokum mun Sigurður Ingi Jóhannsson innviðaráðherra fara yfir stöðu Sundabrautarverkefnisins og næstu skref varðandi Sundabraut,“ segir í tilkynning.

Hægt verður að fylgjast með útsendingunni í spilaranum að neðan.

Dagskrá:

Katrín Jakobsdóttir forsætisráðherra kynnir niðurstöður samkeppni um Lækjartorg
Sigurteymi kynnir verðlaunatillögu um Lækjartorg
Léttum á umferðinni 2022 - Dagur B. Eggertsson borgarstjóri
Borgarlína, What is going on and what can we expect - Svend Poulsen verkefnisstjóri Borgarlína, Mannvit-Arup-COWI
Alda, brú yfir Fossvog - Magnús Arason og Berglind Hallgrímsdóttir frá Eflu
Tækifærin meðfram Borgarlínu, Kársnes og Hamraborg
Landspítalinn - Hulda Steingrímsdóttir, umhverfisstjóri LSH
Háskóli Íslands – Hrund Ólöf Andradóttir prófessor HÍ
Reginn - Helgi S. Gunnarsson forstjóri
Reitir - Friðjón Sigurðarson, framkvæmdastjóri þróunarsviðs.
Klasi – Halldór Eyjólfsson, þróunarstjóri
Sæbrautarstokkur, uppbyggingarhugmyndir - Björn Guðbrandsson, Arkís
Miklubrautarstokkur, uppbyggingarhugmyndir - Dagný Bjarnadóttir, landslagsarkitekt FÍLA frá DLD ehf.
Staða samgöngusáttmálans - Davíð Þorláksson frá Betri samgöngum
Sundabraut, staða og næstu skref - Sigurður Ingi Jóhannsson, innviðaráðherra
Fundarstjóri, Pawel Bartoszek, formaður skipulags og samgönguráðs, tekur saman helstu atriði fundarins

Reykjavík Skipulag Samgöngur Borgarlína

Mest lesið

Fleiri fréttir