Rafíþróttir

Ljósleiðaradeildin í beinni: Dusty getur komið níu fingrum á titilinn

Hjörtur Leó Guðjónsson skrifar
Ljósleiðaradeildin í CS:GO er í beinni útsendingu á Stöð 2 eSport og Vísi.
Ljósleiðaradeildin í CS:GO er í beinni útsendingu á Stöð 2 eSport og Vísi.

Þriðjudagskvöld eru Ljósleiðaradeildarkvöld og í kvöld er engin breyting þar á. Líkt og áður eru tvær viðureignir í beinni útsendingu.

Topplið Dusty mætir til leiks í fyrri viðureign kvöldsins, en þeir mæta Fylki sem situr í næst neðsta sæti deildarinnar. Sigri Dusty í kvöld er liðið komið ansi nálægt því að tryggja sér sigur í Ljósleiðaradeildinni.

Sigur kemur Dusty í 32 stig og þá er liðið með átta stiga forskot á Þór og Vallea. Þór og Vallea geta mest fengið átta stig í viðbót og því í besta falli jafnað Dusty að stigum.

Síðari leikur kvöldsins er svo viðureign Kórdrengja og Vallea. Kórdrengir sitja á botni deildarinnar, en eins og áður segir heldur Vallea í veika von um að ná Dusty á toppi deildarinnar.

Ljósleiðaradeildin í CS:GO er í beinni útsendingu á Stöð 2 eSport, eða einfaldlega í spilaranum hér fyrir neðan.

Ljósleiðaradeildin

Mest lesið




×

Mest lesið