Rikki G. í Heiðursstúkunni: „Ég má eiginlega ekki tapa fyrir honum“

Um er að ræða spurningaþátt sem tengist leikjum og mótum sem eru á Stöð 2 Sport. Heiðursstúkan verður sýnd á Vísi alla föstudaga. Jóhann Fjalar Skaptason stýrir þættinum.

Þema fimmta þáttarins er Meistaradeild Evrópu og Evrópudeildin í fótbolta en útsláttarkeppnir þeirra beggja er nú í fullum gangi.

Gestir þáttarins að þessu sinni eru þeir Ríkharð Óskar Guðnason og Sigurður Orri Kristjánsson.

Það var greinilega mikil pressa á Rikka G. fyrir keppnina. „Hann veit meira en hann gefur upp. Ég veit að hann fylgist með öllum íþróttum og hefur gert frá blautu barnsbeini. Ég ætla ekki að vanmeta hann í eina sekúndu,“ sagði Rikki G. um Sigurð Orra.

„Ég má eiginlega ekki tapa fyrir honum,“ sagði Rikki áður en þeir byrjuðu.

Nú er bara að sjá hvað þeir félagar vita um Meistaradeildina eða Evrópudeildina í fótbolta en það smá sjá allan spurningaþáttinn hér fyrir neðan.